Tags-Dil

us kī aamad aamad hai
dil āñkheñ haiñ chashm-ba-rāh

lafz to milte nahīñ iz.hār-e-mahsūsāt ko
ab vo samjheñ yā na samjheñ mere dil kī baat ko

pahle to dil meñ ḳhudā jaane kidhar se aa chhupe
phir sitam ye hai ubhārā mere mahsūsāt ko

dil meñ sau ārmān rakhtā huuñ
pyāre āḳhir maiñ jaan rakhtā huuñ

sabr chhuT dil sab aur bātoñ maiñ
qābil-e-imtihān rakhtā huuñ

phuuT kar kis ke ye rone kī sadā aatī hai
dard-e-ulfat kahīñ merā dil-e-nāshād na ho

dil kī īzā-talabī pūchh luuñ kyā kahtī hai
Thahro Thahro abhī dam-bhar koī bedād na ho

dete to diyā meñ dil ko lekin
chāra nahīñ ab sivā.e-afsos

nigāh-e-nāz kā ik vaar kar ke chhoḌ diyā
dil-e-harīf ko bedār kar ke chhoḌ diyā

ḳhushā vo kashmakash-e-rabt-e-bāhamī jis ne
dil o dimāġh ko be-kār kar ke chhoḌ diyā

phir chāhtā hai dil ki vahī tāk-jhāñk ho
phaḌ DhūñDhtā huuñ lutf savāl o javāb kā

ye zaḳhm-e-dil kī numā.ish nahīñ tamāshā-garo
dar-asl baat ye hai pairahan rafū nahīñ hai

ab tak jo dastūr-e-junūñ thā ham ne vahī manzar māñgā
sahrā dil ke barābar chāhā dariyā āñkhoñ bhar māñgā

abr ke ehsāñ se bachnā thā dil ko harā bhī rakhnā thā
ham ne is paude kī ḳhātir mauj-e-dīda-e-tar māñgā

bahut chhoTā sā dil aur is meñ ik chhoTī sī ḳhvāhish
so ye ḳhvāhish bhī ab nīlām karne ke liye hai

ġhazal kahnī phir us meñ apne dil kī baat kahnī
yahī kaafī hameñ badnām karne ke liye hai

dil hijr ke dard se bojhal hai ab aan milo to behtar ho
is baat se ham ko kyā matlab ye kaise ho ye kyūñkar ho

ye dil hai ki jalte siine meñ ik dard kā phoḌā allhaḌ sā
nā gupt rahe nā phuuT bahe koī marham ho koī nishtar ho

junūn-e-dil kā abhī tarjumān baaqī hai
laboñ pe mohr lagī hai zabān baaqī hai

'nigār' ḳhāna-e-dil meñ basī hai vīrānī
makīñ chalā gayā lekin makān baaqī hai