Tags-Dil

tujh ko apnā ke bhī apnā nahīñ hone denā
zaḳhm-e-dil ko kabhī achchhā nahīñ hone denā

dard ko gurda taḌapne ko jigar
hijr meñ sab haiñ magar dil to nahīñ

is chashm o dil ne kahnā na maanā tamām umr
ham par ḳharābī laa.ī ye ghar hī kī phūT-phāT

har dil kī masarrat ko
maslūb banā Daalā

ruḳh havā kā ye ki jaise us ko āsānī paḌe
dil kī aag aisī ki ham ko roz sulgānī paḌe

shikast-e-dil kī sadā huuñ bikhar bhī jaane de
ḳhutūt-o-rañg kī zanjīr mat pinhā mujh ko

dil kā nagar to der se vīrān thā magar
sūraj kā shahr bhī mujhe ujḌā huā lagā

kare hai shor yuuñ siine meñ ye dil
samūcha jism hai bahrā huā sā

bulāte hī na aa.e ham to bolā
kahīñ ye naqd-e-dil haare hue haiñ

detī hai vahshat-e-dil fasl-e-bahārāñ kī ḳhabar
ab kahāñ vahshiyoñ ko jaib-o-garebāñ kī ḳhabar

phir mujhe le chalā udhar dekho
dil-e-ḳhāna-ḳharāb kī bāteñ

kah do 'jamāl' dil se
ham se na dil lagā.e

sargarm-e-shauq-o-huzūr nahīñ dil sard hai tū mahrūr nahīñ
jis qalb meñ ishq kā nuur nahīñ vo tāb-e-jalva-e-tūr nahīñ

'munīr' aa.e kahāñ se dil meñ
na.e na.e iztirāb itne

ishq ne jab se kī hai dil kar nī
barq haiñ sho.ala haiñ sharar haiñ ham

ahl-e-dil apne rahte haiñ mushtāq
goiyā vasl kī ḳhabar haiñ ham

kyā kareñ dil nahīñ hai paas 'razā'
sabr meñ varna be-jigar haiñ ham

is meñ kuchh vahshat-e-dil bhī to rakhī jaatī hai
baaġh bas phuul ugāne se kahāñ bantā hai

yuuñ ta.alluq hai hamārī dhaḌkanoñ kā aap se
dil ke sahrāoñ meñ bādal ho koī ummīd kā

pesh-e-jāñ 'sīmā' kā nazrāna ho gar us ko qubūl
muntazir hai dil hamārā aap kī tā.īd kā