Tags-Dil

achchhā huā ki dil kī baat aaj kisī ke rū-ba-rū
merī zabāñ tak aa ga.ī zehn kā bojh utar gayā

mire dil meñ hijr ke baab haiñ tujhe ab talak vahī naaz hai
jo ye jī hī lene pe hai nazar to qubūl ho ye namāz hai

huī dil meñ jab se hai shola-zan mirī ātish-e-ishq kī har nafas
jo patañg o sham.a meñ dekhiye na vo soz hai na gudāz hai

jañg apnoñ se hai to dil ko kināre kar luuñ
rāste meñ yahī talvār na haa.el ho jaa.e

sar-ba-sar shāḳh-e-dil harī rahegī
tā-abad aañkh meñ tarī rahegī

dil ke andar naach rahe haiñ kitne shaah hasīn
mere ishq kī phūTī hai ab raushan laal kapās

donoñ sarmast haiñ ehsās-e-suḳhan-sāzī meñ
raushnī aañkh ko aur dil ko hazīñ likkhā gayā

ham agar terī razā hāsil nahīñ kar pā.eñge
umr bhar ham se hamārā dil ḳhafā rah jā.egā

mirā zehn dil kā rafīq hai
mirā dil rafīq hai jism kā

ab tujh se phirā ye dil-e-nākām hamārā
us kūche meñ kam hī rahegā kaam hamārā

hotā na farebanda-e-dil kaash ke 'hasrat'
āġhāz meñ ye ishq-e-bad-anjām hamārā

jo lab-kushāda the vo mudda.ī bane lekin
jo dil-kushāda the vo kaam aa ga.e sab ke

bhaTak rahā hai dayār-e-ḳhirad meñ kyuuñ ġham-e-dil
gharoñ ko lauT chuke saare bā-vafā kab ke

rahtī hai un kī yaad mirī dil meñ har ghaḌī
'auj' un ke dil meñ kaash ho merā bhī ghar kahīñ

sar chain se rakkhā na ruke paañv ke dil meñ
ik baat bhī paivast thī ḳhanjar hī nahīñ thā

phir bhaTaktā phir rahā hai koī burj-e-dil ke paas
kis ko ai chashm-e-sitāra-yāb vāpas kar diyā

dard-e-dil kyūñ-ki kahūñ maiñ us se
har taraf log ghire baiThe haiñ

mirā dil mubtalā hai jhāñvalī kā
tarī añkhiyāñ salonī sāñvlī kā

jabhī tū paan khā kar muskurāyā
tabhī dil khil gayā gul kī kalī kā