Tags-Dil

'jamīla' dasht meñ kahtī thī ro kar
ilāhī dil na ho dushman kisī kā

kahāñ tak kāvish-e-isbāt-e-paiham
kahāñ tak zaḳhm-e-dil tadbīr-e-marham

dil meñ liye phirte haiñ bas itnī sī ye ḳhvāhish
bāloñ meñ tire phuul lagā leñ koī ham bhī

tasavvurāt meñ dil kī uḌaan dekh zarā
usī zamīñ se kabhī āsmān dekh zarā

abhī to jism ke hī ghaav tū ne dekhe haiñ
jo mere dil pe haiñ vo bhī nishān dekh zarā

nargis-e-chashm kā mat rakh dil-e-ranjūr ḳhayāl
ya.anī bīmār ko rakhte nahīñ bīmār ke paas

guloñ kī dilkashī fasl-e-bahārāñ kaun dekhegā
na hoñge jab hamīñ rañg-e-gulistāñ kaun dekhegā

sambhal kar khelnā chāho to dil se khel sakte ho
bachāo haath TuuTā aa.inā achchhā nahīñ hotā

jaan par ban ga.ī 'sharaf' āḳhir
kyā milā haa.e dil lagāne se

ghar meñ dil phir mirā ghabrāne lagā aap se aap
ai junūñ phir ye makāñ ḳhāna-e-zindāñ hogā

phir ḳhush aatī hai mire dil ko shab-e-māh kī sair
ishq phir chāñd se mukhḌe kā do-chandāñ hogā

un kī āñkhoñ se jab milī āñkheñ
dil kā kah Daalā haal āñkhoñ meñ

ai qalaq dil ko soch kar denā
kuchh nahīñ Thiik valvale kī baat

masjidoñ meñ sab jam.a ho jā.eñge ḳhurd-o-kalāñ
duur ho dil kī kudūrat ye savāl-e-eid hai

eid aa.ī aur kyā kyā yaad taaza kar ga.ī
soñch bichhḌoñ kī hai dil meñ aur ḳhayāl-e-eid hai

dard-o-karb se hashr bapā hoñToñ pe tabassum hai 'aḳhtar'
dil kā aalam kuchh bhī rahe āñkheñ to magar namnāk nahīñ

jo dar pe aa hī ga.ī hai 'yāsir' to mujh pe lāzim hai ḳhair-maqdam
hazār be-dil sahī par is khurdurī haqīqat se muñh na moḌūñ

dast-o-pā maare bahut chāh-e-zanaḳh meñ dil ne
haath lekin na gayā zulf kī zanjīr talak

hai yahī shauq shahādat kā agar dil meñ to ishq
le hī pahuñchegā hameñ bhī tirī shamshīr talak

is tarah baiTh gayā ḳhāna-e-dil merā ki bas
kaam phir us kā na pahuñchā kabhī ta.amīr talak