Tags-Dil

lahū dil kā mirī āñkhoñ kā paanī ban ke kahtā hai
na ham hoñge na tum hoge hamārī dāstāñ hogī

maal jab us ne bahut radd-o-badal meñ maarā
ham ne dil apnā uThā apnī baġhal meñ maarā

dil ko us kākul-e-pechāñ se na bal karnā thā
ye siyah-baḳht gayā apne hī bal meñ maarā

kaun fariyād sune zulf meñ dil kī tū ne
hai musalmān ko kāfir ke amal meñ maarā

aañkh se aañkh hai laḌtī mujhe Dar hai dil kā
kahīñ ye jaa.e na is jañg-o-jadal meñ maarā

yaad aa.ī dil ko tere dar-e-nīm-vā kī raat
rukne lage qadam jo sar-e-rāh be-sabab

ai dil-e-be-ḳhabar
jo havā jā chukī ab nahīñ aa.egī

mujhe shāmiyāna tale se kyā mirā dil to kahtā hai mujh se aa
sar-e-rāh koThe pe baiTh jā yahīñ takiya de ke muñDer se

jab iltifāt na thā ishtiyāq rahtā thā
ab iltifāt huā hai to dil ko taab nahīñ

dard ho dil meñ to davā kiije
aur jo dil hī na ho to kyā kiije

simaT kar kis liye nuqta nahīñ bantī zamīñ kah do
ye phailā āsmāñ us vaqt kyuuñ dil ko lubhātā thā

maiñ to mushtāq huuñ āñdhī meñ bhī uḌne ke liye
maiñ ne ye shauq ajab dil ko lagā rakkhā hai

pahuñch sake kisī manzil pe kyā musāfir-e-dil
ki chal rahā hai ba-zāhir magar rukā huā hai

mālik saat samundaroñ kī vus.at kā huuñ maiñ lekin
merā dil kyuuñ bhar aatā hai jab koī naddī sūkhtī hai

tum se jab tark-e-ta.alluq kar liyā
dil to dil mujh se ḳhafā hai aa.ina

baat dil kī ġhaur se suntā hai ye
rāzdāñ merā banā hai aa.ina

jo chashm ki be-nam ho vo ho kor to behtar
jo dil ki ho be-dāġh vo jal jaa.e to achchhā

khīñche dil-e-insāñ ko na vo zulf-e-siyah-fām
azhdar koī gar us ko nigal jaa.e to achchhā

dil gir ke nazar se tirī uThne kā nahīñ phir
ye girne se pahle hī sambhal jaa.e to achchhā

al-qissa nahīñ chāhtā maiñ jaa.e vo yaañ se
dil us kā yahīñ garche bahal jaa.e to achchhā