Tags-Dil

kare rashk-e-gulistāñ dil ko 'fā.ez'
mirā sājan bahār-e-anjuman hai

vo shaḳhs jis ko dil o jaañ se baḌh ke chāhā thā
bichhaḌ gayā to ba-zāhir koī malāl nahīñ

havā par hai ye buniyād-e-musāfir ḳhāna-e-hastī
na Thahrā hai koī yaañ ai dil-e-mahzūñ na Thahregā

kahāñ tak aap ko jaanā hai kahiye
nazar kā rāsta to dil talak hai

ki phir paidā mirī ḳhātir koī mushkil na ho jaa.e
pareshāñ huuñ ye merā dil kahīñ buzdil na ho jaa.e

mujhe is baat kī har lamha itnī fikr rahtī hai
ki us kī yaad se merā ye dil ġhāfil na ho jaa.e

kabhī us kī jafāoñ kī shikāyat karnā bhī chāhūñ
magar phir sochtī huuñ vo kahīñ bad-dil na ho jaa.e

vo jannat mire dil meñ chhupī thī
maiñ jise bāhar DhūñD rahā thā

tanhā.ī mire dil kī jannat
maiñ tanhā huuñ maiñ tanhā thā

aatī thī pahle dil se kabhī bū kabāb kī
raushan hai ab to siine meñ bhaTTī sharāb kī

betābī-e-dil kā hai vo dilchasp tamāshā
jab dekho shab-e-hijr mire dar pe khaḌī hai

kad hai vo mujhe kuuch meñ aane nahīñ dete
apnā hai ḳhayāl un ko mujhe dil kī paḌī hai

himmat ko nazar pā nahīñ saktī kisī sūrat
dil koī baḌā hai jo koī aañkh baḌī hai

taḌpā diyā dil gūñdh ke gesū shab-e-vaslat
maiñ jāntā thā piiTh pe phūloñ kī chhaḌī hai

dil ki thā maa.il bahut vīrāñ jazīroñ kī taraf
ye havā aisī na thī ye bādbāñ aisā na thā

pīrān-e-ajam kījiye tadbīr abhī aap
dil se to mire karb kā saayā nahīñ jaatā

shikast-e-shīsha-e-dil kī sadā huuñ
maiñ ḳhud bhī ḳhud ko sunñā chāhtā huuñ

jo hañsā to sūrat-e-zaḳhm-e-dil ki lahū ke qatre Tapak paḌe
maiñ sitam-rasīda huuñ 'ārzū' na bahā.ūñ ashk to kyā karūñ

sukūn-e-zāt vaqf-e-intishār kar liyā gayā
ġhazab huā ki dil kā e'tibār kar liyā gayā

zabān-o-jism-o-jān-o-dil gavāh sab jo ban ga.e
to jurm un se ho ke darkinār kar liyā gayā