Tags-Dil

tumhāre siine meñ dil ke jaisā jo ek patthar dhaḌak rahā hai
vo ek patthar na jaane kitne diloñ kā markaz banā huā hai

dil-e-shikasta ke hausloñ ne har ek manzil ko sar kiyā hai
tumhāre dar tak bhī aan pahuñche par is se aage bhī rāsta hai

jo likhā hī nahīñ gayā mujh se
dil ne vo giit gungunāyā hai

vo lau rabāb se niklī dhuāñ uThā dil se
vafā kā raag isī dhun meñ gungunā.e jā

jism pāband-e-gul sahī 'ābid'
dil magar vahshatoñ kī bastī hai

sukūn-e-dil nahīñ jis vaqt se us bazm meñ aa.e
zarā sī chiiz ghabrāhaT meñ kyā jaane kahāñ rakh dī

yaaro dil-o-dimāġh meñ kaafī hai fāsla
uljhe hue javāb na do maiñ nashe meñ huuñ

dard-e-dil kāmrān rahne de
ai mohabbat javān rahne de

kaun kahtā hai kī nafrat ko sadā dī jaa.e
aao bas dil meñ vafā aur baḌhā dī jaa.e

sharah-e-bedardi-e-hālāt na hone paa.ī
ab ke bhī dil kī mudārāt na hone paa.ī

tirī nigāh ke jab ahl-e-dil pe vaar chale
ḳhizāñ-nasīb chaman jānib-e-bahār chale

dil ko samjhā leñ abhī se to munāsib hogā
ik na ik roz to va.ade se mukarnā hai use

apne nazdīk dard-e-dil maiñ kahā
tere nazdīk qissa-ḳhvānī kī

koī manā.e to kaise manā.e dil ko 'shamīm'
ye baat pūchhiye ik ruuTh jaane vaale se

khil rahe haiñ sar-zamīn-e-dil pe jazboñ ke gulāb
uḌ rahī hai aaj ḳhushbū ḳhud se titlī bāñdh kar

jab haq dil-o-dimāġh meñ bharpūr rach gayā
mere qadam jahāñ paḌe kohrām mach gayā

tire dil-jale ko rakhā jis ghaḌī
dhuāñ sā uThā kuchh lab-e-gor se

kāñch sā dil kahāñ pe rakhkhoge
log patthar agar uThā leñge

vo ujālā hai ham ujāle ko
dil-e-tārīk meñ chhupā leñge

jab vo detā hai dostī meñ fareb
dil mirā aab aab hotā hai