Tags-Dil

kisī ke jaal meñ aa kar maiñ apnā dil gañvā baiThā
mujhe thā ishq qātil se maiñ apnā sar kaTā baiThā

tark chashm-e-but-e-bad-kesh ḳhayāl us kā chhoḌ
murġh-e-dil sahme hai navak-faganī ḳhuub nahīñ

baat ik aa.ī hai dil meñ na batā.ūñ us ko
aib kyā hai magar iz.hār hī kar dene meñ

gale se aa ke mile vo to aur dil taḌpā
baḌhe davā se to phir dard kī davā kyā hai

in āñkhoñ ko diyā thā dil vo dīvāne pe kyā guzrā
paḌā thā baat bad-mastoñ ke paimāne pe kyā guzrā

diyā dil vasl lene ko bigāḌā ġhair ne saudā
bukā is ġham ke hāthoñ meñ ki begāne pe kyā guzrā

vo zulfeñ bas raqīboñ ke diloñ kī saḳht girheñ thiiñ
kaho mere dil-e-sad-chāk ke shāne pe kyā guzrā

dil bhar aa.e to samundar nahīñ dekhe jaate
aks paanī meñ utar kar nahīñ dekhe jaate

dekh ai sāda-dil o sāda-ruḳh o sāda-jamāl
har jagah ye zar-o-zevar nahīñ dekhe jaate

nain nachant haiñ dekh ke tujh ko
dil hai azal se hakkā-bakkā

ye haiñ na.e logoñ ke ghar sach hai ab un ko kyā ḳhabar
dil bhī kisī kā naam thā ġham bhī kisī kī zaat thī

imkān-e-talab se koī āgāh to ho
manzil kā tah-e-dil se havā-ḳhvāh to ho

dil daroġh-go raavī
fāsle balā ke haiñ

dil daroġh-go raavī
fāsle balā ke haiñ

dāġh-e-dil kā sarmāya
kis ne kis ko apnāyā

aañkh ke roshan-dān se utrī
dil meñ ek parā.ī ḳhushbū

hairān huuñ ki aaj ye kyā hādisa huā
hai aag sard dil bhī hai merā bujhā huā

kar lutf-o-mudārāt se dil-e-ḳhalq ko raam
ban afv-o-muvāsāt se maḳhdūm-e-anām

ishq-e-sanam hai is meñ haiñ ḳhuddāriyāñ zarūr
ai dil ḳhudā ke vāste ḳhud ko liye hue

aur kuchh der uThegā dil-e-gītī se dhuāñ
aur kuchh der fazāoñ se lahū barsegā