Tags-Dil

mat banā ghar chaman ke andar kaaT
mat lagā dil gul-o-sanobar kaaT

huī sahar ḳhatm par hai mahfil uTho ki 'afsar' uchāT hai dil
na husn meñ ab vo dilkashī hai na zulf meñ ab vo hal rahe haiñ

ai farañgī kabhī sochā hai ye dil meñ tū ne
aur ye soch ke kuchh tujh ko hayā bhī aa.ī

is ravish par kabhī ai bānī-e-be-dād tujhe
dil ke andar se malāmat kī sadā bhī aa.ī

tū mirī baat ke jaadū meñ to aa hī jaatā
chāhtā maiñ to tire dil meñ samā hī jaatā

khul gayā ab ye ki vasl us kā ḳhayāl-e-ḳhām hai
aaj ummīdoñ kā dil hī dil meñ qatl-e-ām hai

kitnī vīrān hai galī dil kī
duur tak koī naqsh-e-pā bhī nahīñ

azm-e-fariyād! unheñ ai dil-e-nāshād nahīñ
maslak-e-ahl-e-vafā zabt hai fariyād nahīñ

bahut raunaq hai bāzāroñ meñ galiyoñ aur mohalloñ meñ
par is raunaq se shahr-e-dil meñ vīrānī bahut hai

na jhaTko zulf se paanī ye motī TuuT jā.eñge
tumhārā kuchh na bigḌegā magar dil TuuT jā.eñge

terī zulfoñ ne chaḌhā.e chille
dil kī is kūche meñ turbat hogī

tirī dostī kā kamāl thā mujhe ḳhauf thā na malāl thā
mirā rom rom thā hairatī mirā dil bhī mahv-e-dhamāl thā

kasrat-e-āzār ne ta.alīm de dī zabt kī
jabr ke baa.is se dil ko sabr karnā aa gayā

ashk āñkhoñ meñ pahuñch kar dil meñ phir vāpas ga.e
yuuñ samajh le chaḌhte dariyā kā utarnā aa gayā

ai tasavvur kyuuñ butoñ ko jamā kartā hai yahāñ
dil mirā ka.aba hai kuchh but-ḳhāna-e-āzar nahīñ

zehn kar le hazār-hā koshish
dil bhī kartā rahegā kaam apnā

dil mirā ḳhānqāh ho goyā
dhaḌkaneñ terā naam japtī haiñ

hameñ husain se paiġhambaroñ se nisbat hai
ham is liye bhī bahut dil dukhā.e jaate haiñ

use bhī pyaar hai un se jo dil-shikasta hoñ
so us kī bazm meñ ham bhī bulā.e jaate haiñ

maiñ apne dil se pareshān huuñ kidhar jā.ūñ
jo bevafā the use yaad aa.e jaate haiñ