Tags-Dil

saudā-gar-e-safā-e-dil-e-be-ġhubār haiñ
ajnās-e-shīsha laa.e haiñ shahr-e-halab se ham

ye roz DhūñDh laa.e hai ik ḳhūb-rū nayā
shākī haiñ apne hī dil-e-āfat-talab se ham

fan itnā kam kyā hai ki in rozoñ 'mus.hafī'
dil meñ ik uns rakhte haiñ sher-e-arab se ham

nigāhoñ ke taqāze chain se marne nahīñ dete
yahāñ manzar hī aise haiñ ki dil bharne nahīñ dete

phir tirā intizār dekheñge
dil ko phir be-qarār dekheñge

chaTak rahī hai kisī yaad kī kalī dil meñ
nazar meñ raqs-e-bahārāñ kī sub.h-o-shām liye

aaj dil be-qarār hai kyā hai
dard hai intizār hai kyā hai

jis se jaltā hai dil jigar vo aah
sho.ala hai yā sharār hai kyā hai

ye jo khaTke hai dil meñ kāñTā sā
mizha hai nok-e-ḳhār hai kyā hai

jis ne maarā hai daam dil pe mire
ḳhat hai yā zulf-e-yār hai kyā hai

fazā meñ ḳhushbū bhī jāñ-fizā hai ajab havāoñ meñ naġhmagī hai
ye kis kī aamad hai kaun hai vo ye dil kyuuñ itnā machal rahā hai

ajab hai yādoñ kā ye tasalsul ki jaise jhaḌiyāñ lagī huī haiñ
yuuñ dil sulagne lagā hai merā dimāġh 'jāved' jal rahā hai

hazār mailā kiyā dil ko us kī jānib se
kisī bhī taur utartā nahīñ hai dhyān se vo

zaḳhmoñ ko rafū kar leñ dil shaad kareñ phir se
ḳhvāboñ kī koī duniyā ābād kareñ phir se

dil apne ranj-o-ġham se jām-e-jahāñ-numā thā
ab aap hī batā.eñ achchhā thā yā burā thā

sahrā thā yā chaman thā jaane vahī ki kyā thā
is dil kī intihā hai jo muddatoñ jalā thā

vo nigah jab mujhe pukārtī thī
dil kī hairāniyāñ ubhārtī thī

dil bhī kho gayā shāyad shahr ke sarāboñ meñ
ab mirī tarah se hai dard be-vatan merā

aao aaj ham donoñ apnā apnā ghar chun leñ
tum navāh-e-dil le lo ḳhitta-e-badan merā

munhadim hotā chalā jaatā hai dil sāl-ba-sāl
aisā lagtā hai girah ab ke baras TūTtī hai