Tags-Dil

pā-bosiyoñ ke shauq meñ apnā ye lauh-e-dil
ik ḳhaal ban gayā qadam-e-yār ke liye

bachchoñ kī tarah ham ne is āġhosh-e-nāz meñ
paalā thā dil ko tujh se dil-āzār ke liye

monis jo ek dil thā vo ghul kar firāq se
aañsū banā hai chashm-e-guhar-bār ke liye

us ruḳh ko dekhte hī dil-e-zār ne kahā
zebā hai ġhāza aisā hī ruḳhsār ke liye

kyā hāl-e-dil sunā.ūñ 'jamīla' ki zo.af se
quvvat zabāñ meñ chāhiye iz.hār ke liye

pahlī kiran kā dhaḌkā kyā kyā dil ko masaktā jaa.e hai
bhor bha.e jab kunj meñ ġhunche muñh shabnam se dhote haiñ

dil is liye hai dost ki dil meñ hai jā-e-dost
jab ye na ho baġhal meñ hai dushman bajā.e dost

kyuuñ na ka.abe ko kahūñ allāh kā aur but kā ghar
vo bhī mere dil meñ hai aur ye bhī mere dil meñ hai

burā na maan zarā aazmā ke dekh ise
farañg dil kī ḳharābī ḳhirad kī māmūrī

ab to 'mashkūr' aisā lagtā hai
tere dil meñ kabhī nahīñ the ham

hālat-e-qalb sar-e-bazm batā.ūñ kyūñkar
parda-e-dil meñ hai ik parda-nashīñ kā lālach

dil bhī do jaan bhī do zar bhī do us ko 'parvīñ'
baḌh gayā sab se mire māh-jabīñ kā lālach

kisī kī aah zehn par asar kuchh aisā kar ga.ī
mirā tamām dard-e-dil suḳhan meñ hī badal gayā

dekh kar bachchoñ ko bhī ab yaad aatā hī nahīñ
mahv kuchh aisā hamāre dil se bachpan ho gayā

kuchh to duniyā kī ināyāt ne dil toḌ diyā
aur kuchh talḳhī-e-hālāt ne dil toḌ diyā

ham to samjhe the ke barsāt meñ barsegī sharāb
aa.ī barsāt to barsāt ne dil toḌ diyā

dil to rotā rahe or aañkh se aañsū na bahe
ishq kī aisī rivāyāt ne dil toḌ diyā

vo mire haiñ mujhe mil jā.eñge aa jā.eñge
aise bekār ḳhayālāt ne dil toḌ diyā

aap ko pyaar hai mujh se ki nahīñ hai mujh se
jaane kyuuñ aise savālāt ne dil toḌ diyā

hāthoñ se mere chhīn kar dil kā ma.aal le ga.ī
jaane kahāñ kahāñ mujhe gardish-e-hāl le ga.ī