Tags-Dil

sab dil kī nādānī hai
kaisā firāq aur kis kā visāl

'kaif'-e-hazīñ-o-ḳhasta kī yaad
mumkin ho to dil se nikāl

nigāh-e-qahr hogī yā mohabbat kī nazar hogī
maza de jā.egī dil se agar ai sīm-bar hogī

yaañ koī tafrīq nahīñ hai shaah gadā sab ko
apnā bojh dil-e-nādān uThānā paḌtā hai

aa gayā us kā tasavvur to pukārā ye shauq
dil meñ jam jaa.e ilāhī ye ḳhayāl achchhā hai

koī na chāhne vaalā thā husn-e-rusvā kā
dayār-e-ġham meñ rahā dil ko paas duniyā kā

lagā jab aks-e-abrū dekhne dildār paanī meñ
baham har mauj se chalne lagī talvār paanī meñ

ilāj-e-dard-e-dil tum se masīhā ho nahīñ saktā
tum achchhā kar nahīñ sakte maiñ achchhā ho nahīñ saktā

hujūm-e-āh hai āñkhoñ se ashk Dhalte haiñ
bhare haiñ chaav jo dil meñ so yuuñ nikalte haiñ

fidā jo dil se hai in shoḳh sabza rañgoñ par
ye zālim us kī hī chhātī pe muuñg dalte haiñ

ghaḌī ghaḌī use roko ghaḌī ghaḌī samjhāo
magar ye dil hai ki kuchh dekhtā hai aao na taao

ab us ke dard ko dil meñ liye taḌapte ho
kahā thā kis ne ki us ḳhush-nazar se aañkh milāo

hamāre sāmne ab aisā vaqt aa pahuñchā
ki ham dimāġh ko bāñdheñ dil-o-jigar kholeñ

nahīñ hai kuchh bhī magar dil ye chāhtā hai bahut
ki ek roz zarā chal ke apnā ghar kholeñ

har manzil thī dil kī manzil jab dil ko ġham-e-manzil na rahā
har kūcha kūcha-e-jānāñ thā jab kūcha-e-jānāñ bhuul ga.e

dil ko vo kyā dekhte soz-e-jigar dekhā kiye
lag rahī thī aag jis ghar meñ vo ghar dekhā kiye

'sāqib' ham apne gaañv kī barbādiyoñ ke ba.ad
is dil meñ le ke hasrat-e-tāmīr chal paḌe

dil ko apnī tabāhī kā kuchh ġham na thā
us kī āñkhoñ kā irshād mub.ham na thā

is se pahle bhī sau baar dhaḌkā thā dil
dil dhaḌakne kā lekin ye aalam na thā

mirā ḳhūn-e-dil yuuñ bahā dasht meñ
ki jañgal meñ lohū ke thāle paḌe