Tags-Dil

ishq meñ haa.e tabī.at kā vo aalam 'bismil'
ālam-e-ishq bhī jab dil pe garāñ hotā hai

sochtā rahtā hai dil ye sāhil-e-ummīd par
justujū ā.īna-e-madd-o-jazar ho jā.egī

gaah mirī nigāh-e-tez chiir ga.ī dil-e-vajūd
gaah ulajh ke rah ga.ī mere tavahhumāt meñ

ab dil se kuchh kaho to ye dil māntā nahīñ
ai iltifāt-e-yār terā vaar chal gayā

suune paḌe haiñ dil ke dar-o-bām ai 'zahīr'
lahore jab se chhoḌ ke jān-e-ġhazal gayā

aalam hai be-sabāt ai dil
ik zaat ko hai sabāt us kī

dam de ke na naqd-e-dil ko le-le
chal jaa.e kahīñ na ghaat us kī

jo dil ki hai ġharq bahr-e-duniyā
kyūñkar hogī najāt us kī

dil jaatā hai sū-e-kū-e-qātil
ḳhāliq rakhe hayāt us kī

dam de ke le aayā yaar ko dil
kyā rah ga.ī aaj baat us kī

yahī do kaam mohabbat ne diye haiñ ham ko
dil meñ hai yaad tirī zikr hai lab par terā

dil meñ phir ik kasak sī uThī muddatoñ ke ba.ad
ik umr ke ruke hue aañsū nikal paḌe

ai dil tujhe badaltī huī rut se kyā milā
paudoñ meñ phuul aur daraḳhtoñ meñ phal paḌe

'shahzād' dil ko zabt kā yaarā nahīñ rahā
niklā jo māhtāb samundar uchhal paḌe

nazar ko ek hī nuqte pe murtakiz kar le
dil-o-nigāh kī uljhan ko ek saath samajh

dhaḌak rahā hai ye kis shaḳhs kī mohabbat meñ
samajh meñ aa.eñ to dil ke muāmalāt samajh

tujhe ye ishq kī jānib dhakel saktā hai
samajh rahā hai to dil ko bhī dost ghaat samajh

bahut sair kī bāġh-e-jannat kī ham ne magar kuchh mazā zindagī kā na dekhā
kisī dil meñ dard-e-mohabbat na paayā kisī dil meñ dāġh-e-tamannā na dekhā

bahut mard-e-maidāñ bhī duniyā meñ dekhe shujā.at pe nāzāñ bhī duniyā meñ dekhe
magar choT sah jaa.e tīr-e-nazar kī ye dil ye kalejā kisī kā na dekhā

ye daur hai daur-e-havas is daur meñ ai dil
suntā nahīñ dil se koī āvāz-e-mohabbat