Tags-Dil

aaj kyuuñ had se sivā dil ko ḳhushī hai 'mahshar'
kyā bulā.e hue jaate ho sū-e-ḳhāna-e-dost

yuuñ bhī vo dil ho ki dirham pe khulā rahtā hai
apnī ik vaz-e-junūñ thī ki bahāne se ga.e

ham se pūchho na dostī kā silā
dushmanoñ kā bhī dil hilā degā

jab dil hī nahīñ hai pahlū meñ phir ishq kā saudā kaun kare
ab un se mohabbat kaun kare ab un kī tamannā kaun kare

beTe ko sazā de ke ajab haal huā hai
dil pahroñ mirā karb ke dozaḳh meñ jalā hai

dil-e-fasurda kī bātoñ pe ye tabassum-e-nāz
kalī ko phuul banānā sikhā rahā hai koī

zinjīr-e-āgahī se shamshīr-e-āgahī tak
kyā kyā maqām aa.e dil kī sipah-garī meñ

laraz ke Thahrā jo dil
taḳhayyul ne apne shahpar fazā meñ khole

surḳh phūloñ se mahak uThtī haiñ dil kī rāheñ
din Dhale yuuñ tirī āvāz bulātī hai hameñ

dard-e-dil ro.eñ kis ummīd pe begāne se
sub.h hone kī nahīñ yaas is afsāne se

phir vahī kūcha vahī dar vahī saudā vahī sar
khīñch laayā hai ye dil phir mujhe vīrāne se

havas-e-ālam-e-bālā ne kiyā hai dil tañg
ruuh ghabrā ga.ī ab jism ke kāshāne se

kaifiyyat se kabhī ḳhālī nahīñ dil mastoñ kā
hū-ba-hū miltā hai saaqī tire paimāne se

sāqiyā dil kī havas miT na sakī piirī meñ
pyaas bujhtī nahīñ TuuTe hue paimāne se

aag meñ kuud paḌā dil kī lagī vo shai hai
ātish-e-shauq ko pūchhe koī parvāne se

jo bād-e-marg bhī dil ko rahī kanār meñ jā
to so chukā maiñ farāġhat se bas mazār meñ jā

uThī jo kulfat-e-dil kam ho merī kulfat meñ
ġhubār jaise ki mil jaa.e hai ġhubār meñ jā

kuchh to shah bhī tumhārī thī
varna dil kī aur ye majāl

un kī nazar se gir gayā jab
shīsha-e-dil meñ aayā baal

kuchh duniyā ke kuchh dil ke
rog liye haiñ ham ne paal