Tags-Dil

kyuuñ tire gesū kuuñ gesū bolnāñ
dil meñ aatā hai ki shabbū bolnāñ

pech khā kar dil mirā chakrat meñ hai
zulf kuuñ terī chakābū bolnāñ

ab charāġh-e-aql gul karnī 'sirāj'
soz-e-dil señ ek yaahū bolnāñ

aa ga.ī yaad shaam Dhalte hī
bujh gayā dil charāġh jalte hī

kaun dillī se masīhā lā.egā
ai dil-e-bīmār dillī duur hai

yaqīn kar lo to ā.eñge sab nazar apne
tumhāre dil meñ kajī vāhime se aa.ī hai

dil kī baat kyā kahiye dil ajiib bastī hai
roz ye ujaḌtī hai aur roz bastī hai

na ai dil sūrat-e-shaiḳh-e-haram dīvāna ban jaanā
kahīñ aanā na jaanā zā.er-e-but-ḳhāna ban jaanā

dil-e-sozāñ dikhānā jalva husn-o-ishq donoñ kā
kahīñ sham-e-shabistāñ aur kahīñ parvāna ban jaanā

huuk sī uThtī thī dil meñ
ūñchā nīchā rasta thā

zindagī hasratoñ ke saaz pe sahmā-sahmā
vo tarāna hai jise dil nahīñ gaanā chāhe

kaisī yā-rab ye havā sub.h-e-shab-e-vasl chalī
bujh gayā dil mirā aur sham-e-sahar donoñ saath

ġham ko dī dil ne jagah dil ko jagah pahlū ne
ek goshe meñ kareñge ye basar donoñ saath

is ko rokūñ maiñ ilāhī ki sambhālūñ us ko
ki taḌapne lage dil aur jigar donoñ saath

āñdhiyāñ aah kī bhī ashk kā sailāb bhī hai
dete haiñ dil kī ḳharābī kī ḳhabar donoñ saath

dil kī taraf 'shakīl' tavajjoh zarūr ho
ye ghar ujaḌ gayā to basāyā na jā.egā

kare ḳhudā se gila kyuuñ kisī kī majbūrī
kisī ke dil pe sahī iḳhtiyār de to diyā

jo dil ko diije to dil meñ ḳhush ho kare hai kis kis tarah se halchal
agar na diije to vo haiñ kyā kyā jatāve ḳhafagī itaab akaḌ bal

jo is bahāne se haath pakḌeñ ki dekh dil kī dhaḌak hamāre
to haath chhap se chhuḌā le kah kar mujhe nahīñ hai kuchh is kī aTkal

kare jo va.ada to is tarah kā ki dil ko sunte hī ho tasallī
jo sochiye phir to kaisā va.ada faqat bahāna fareb aur chhal