Tags-Dil

vo nikle udhar se to ai 'barq' yuuñ
mirā dil kaf-e-pā se malte hue

hamārā dil to hañgāmoñ bharā thā
yahāñ tanhā.iyāñ kyā kar rahī haiñ

ai ham-safaro DhūñDh lo āsānī-e-manzil
apnā to ye dil ḳhūgar-e-mushkil-talabī hai

ai mauja-e-tūfāñ tirā dil koī bhī toḌe
sāhil ne safīne ko ik āvāz to dī hai

maiñ sāda-dil āzurdagi-e-yār se ḳhush huuñ
ya.anī sabaq-e-shauq mukarrar na huā thā

kabhī jannat kabhī dozaḳh kabhī ka.aba kabhī dair
ajab andāz se ta.amīr huā ḳhāna-e-dil

jigar ke daaġh chhupā.e kabhī jo ham ne 'ḳhalīl'
añdhere dil meñ utar aa.e raushnī ke liye

dil meñ ḳhema-zan añdhero kitnī jaldī meñ hai sūraj
jism tak jaage nahīñ haiñ aur saa.e Dhal rahe haiñ

mausam-e-hijr kī kaisī saa.at hai ye dil bhī hairān hai
mere kānoñ meñ kis ne tirī yaad kī bāliyāñ Daal diiñ

nāz-e-āzādī 'hasan' vaj.h-e-asīrī ho gayā
mū-kashāñ dil ko ḳhayāl-e-zulf-e-paimāñ le chalā

fareb-ḳhurda hai itnā ki mere dil ko abhī
tum aa chuke ho magar intizār baaqī hai

lāzim huā hai tīsha-e-dil kā sambhālnā
har dast-e-yār-e-ġhār meñ patthar hai kyā kareñ

ḳhudā ne rakh diyā mujh ko usī ke dil meñ jaane kyuuñ
na bāhoñ meñ huuñ maiñ jis kī na peshānī meñ huuñ yaaro

dekhnā taqrīr kī lazzat ki jo us ne kahā
maiñ ne ye jaanā ki goyā ye bhī mere dil meñ hai

peshāniyoñ pe vaqt shikan-dar-shikan nahīñ
chehra-ba-chehra likhe hue dil ke dard haiñ

ham gul-e-ḳhvāb sajāte the dukān-e-dil meñ
aur phir ḳhud hī ḳharīdār huā karte the

dil ko jis vaqt ye jin aan ke lipTā phir to
kyā kareñ vaañ vo jo likhte haiñ falītā ta.avīz

āḳhir us ke bhī gayā dil kā dhḌaknā us roz
qabr kā teshe ne jab us ke tarāshā ta.avīz

Thahre kyā dil ki tirī shoḳhī se
iztirāb-e-pa-e-ham yaad aayā

vo mirā dil hai ki ḳhud-bīnoñ ko
dekh kar aa.ina kam yaad aayā