Tags-Dil

larazte hoñToñ se gir paḌe the hurūf ik din
dil apne jazboñ kī tarjumānī se Dar rahā thā

tirī zulf zunnār kā taar hai
ki jis taar meñ dil giraftār hai

talattuf siiñ pūchhegā kab dard-e-dil
sitam-gar hai sarkash hai ayyār hai

jise dil-ḳharāshī nahīñ ishq kī
tarīq-e-mohabbat meñ be-kār hai

ek tasvīr dil-e-hijr-zada meñ hai tirī
ek tasvīr koī aur banā jaatā hai

ārā.ish-e-ḳhayāl bhī ho dil-kushā bhī ho
vo dard ab kahāñ jise jī chāhtā bhī ho

juz dil koī makān nahīñ dahr meñ jahāñ
rahzan kā ḳhauf bhī na rahe dar khulā bhī ho

dil-e-ā.īna-sāmāñ paara paara kar ke dekhā jaa.e
sitāroñ ko kabhī mahv-e-nazāra kar ke dekhā jaa.e

chamaktā hai sar-e-mizhgān-e-nam jo TuuT kar dil se
chalo us ashk-e-ḳhūnī ko sitāra kar ke dekhā jaa.e

hameñ dil jītne kā fan to aatā hai magar sochā
kabhī aisā bhī ho apnā ḳhasāra kar ke dekhā jaa.e

laboñ pe aa na sakī apne dil kī ek bhī baat
ki jab bhī pahuñchā maiñ us ke huzūr kaañp uThā

jab aTaktā hai jo dil kuchh nahīñ chhoḌe baaqī
nañg-o-nāmūs hayā aur sharam chāroñ ek

bhuul jā shauq meñ vaslat ke tū sab ko ai dil
dozaḳh-o-jannat o a.arāf o adam chāroñ ek

vāste tere muqarrar haiñ dil andesha na kar
mehrbānī-o-atā fazl-o-karam chāroñ ek

tum jurm-e-vafā par jo ho āmāda-e-tāzīr
ye sirf mire dil kā taqāzā to nahīñ thā

muntashir kar diyā shīrāza-e-hastī jis ne
ḳhāna-e-dil ko mire thā vo sajāne vaalā

jis se dil-jūī kī ummīd thī niklā vo raqīb
jis ko dekho hai vahī mujh ko satāne vaalā

tumheñ bhī mālūm ho haqīqat kuchh apnī rañgīñ-adā.iyoñ kī
kabhī use chheḌ kar to dekho jo lai mire dil kī saaz meñ hai

abhī to ik qatra hī girā thā ki jis se halchal meñ hai zamāna
ḳhudā hī jaane ki kitnī quvvat dil-e-hazīñ ke gudāz meñ hai

machal jaatā hai dil vaise hī tum ko dekhne ke baad
khilaunā dekh kar jis tarah se bachche machalte haiñ