Tags-Dil

jo dil ko bose ke badle diije to hañs ke lailā bahut ḳhushī se
jo bosa māñgo to phir ye naqshā kabhī to aaj aur kabhī kahe kal

aaj go us ne ba-rusvā.ī nikālā mujh ko
gar yahī dil hai to phir aap se kal jā.ūñgā

mashvara kar ke ye dil kūcha-e-jānāñ ko chalā
azm to laane kā kiijo maiñ machal jā.ūñgā

jald ḳhū apnī badal varna koī kar ke tilism
aa ke dil apnā tire dil se badal jā.ūñgā

ġham ke sunsān bayābāñ se nikaltā hī nahīñ
dil mirā dard ke tūfāñ se sambhaltā hī nahīñ

har taraf dhuñd hai ashkoñ kī farāvānī se
dil-e-betāb sarāboñ se bahaltā hī nahīñ

talḳhiyāñ ahl-e-zamāna se vo jhelī haiñ na pūchh
dil mirā fasl-e-bahārāñ meñ machaltā hī nahīñ

kab se hālāt-e-zamāna haiñ digar-gūñ lekin
dil kā mausam kisī hālat meñ badaltā hī nahīñ

kyuuñ ḳhud ko na chāhūñ ki tirā dil to nahīñ maiñ
kyuuñ ḳhud ko bhulā duuñ ki zamāna to nahīñ huuñ

na sahī lutf kuchh itaab sahī
us ke dil meñ mirā ḳhayāl to ho

maslahat hai tapīdgī dil kī
magar un ko idhar ḳhayāl to ho

har zaḳhm qāfile kī guzargāh merā dil
rū-e-zamīñ pe ek lahū kī lakīr maiñ

shukr hai aap aa ga.e aaj kā din to Tal gayā
thoḌī sī baat ho ga.ī thoḌā sā dil bahal gayā

chashm-ba-chashm guftugū shahr-ba-shahr kū-ba-kū
sīna-ba-sīna rāz-e-dil duur talak nikal gayā

shor hai be-dilī kā shor dhyān se merī baat sun
terā ḳhayāl-e-dil-sitāñ dil se mire nikal gayā

vaise to kuchh nahīñ huā dekh ke us kī ik jhalak
paañv se khiñch ga.ī zamīñ haath se dil phisal gayā

qarya-e-jāñ meñ koī phuul khilāne aa.e
vo mire dil pe nayā zaḳhm lagāne aa.e

suunā paḌā hai dil kā makāñ aap ke binā
rah rah ke uTh rahā hai dhuāñ aap ke binā

ye soch ke maiñ ghuum rahā huuñ yahāñ vahāñ
rāhat milegī dil ko kahāñ aap ke binā

maiñ jānūñ ki naale meñ hai kuchh asar
jo dil un kā dekhūñ pighalte hue