Tags-Dil

kabhī ḳhvāboñ kī tarah aañkh ke parde meñ raho
kabhī ḳhvāhish kī tarah dil meñ bulā leñ tum ko

hai tumhāre liye kuchh aisī aqīdat dil meñ
apne hāthoñ meñ duāoñ sā uThā leñ tum ko

dil thā baġhal meñ mudda.ī ḳhuub huā jo ġham huā
jaane se us kī in dinoñ ham ko baḌā farāġh hai

jazbāt bhī hindū hote haiñ chāhat bhī musalmāñ hotī hai
duniyā kā ishāra thā lekin samjhā na ishāra dil hī to hai

kis dil se ābād kiyā thā
kis dil se barbād karoge

mere dil meñ basne vaalo
tum mujh ko barbād karoge

dil phañsā bhī ho bhañvar meñ to koī baat nahīñ
rañj meñ Dūbte pyāre nahīñ dekhe jaate

jin kī aahaT se bañdhī thī mire dil kī dhaḌkan
un nigāhoñ ke ishāre nahīñ dekhe jaate

tuur patthar thā mire dil ko dikhā apnī jhalak
phir ye kahnā ki nazāre nahīñ dekhe jaate

ham ne siine se lagāyā dil na apnā ban sakā
muskurā kar tum ne dekhā dil tumhārā ho gayā

yaad kī ḳhushbū dil ke nagar meñ phailegī
ġham ke saa.e lagte haiñ ab shītal se

maiñ us aadmī se thā ham-kalām ki jo chhā gayā mire chār-sū
ise dil pe lenā na dosto, maiñ agar salām na kar sakā

digar-gūñ hai jahāñ tāroñ kī gardish tez hai saaqī
dil-e-har-zarra meñ ġhauġhā-e-rustā-ḳhez hai saaqī

vahī derīna bīmārī vahī nā-mohkamī dil kī
ilaaj is kā vahī āb-e-nashāt-añgez hai saaqī

haram ke dil meñ soz-e-ārzū paidā nahīñ hotā
ki paidā.ī tirī ab tak hijāb-āmez hai saaqī

har gaañv suhānā ho har shahr chamak uTThe
dil kī ye tamannā hai puurī ho magar kaise

phir gosh-e-tasavvur meñ abbā kī sadā aa.ī
phir us ne dar-e-dil pe āvāz dī chupke se

mere dil kī kitāb mat paḌhnā
Dagmagā jā.eñge tumhāre ḳhayāl

nizām-e-tabī.at se ghabrā gayā dil
tabī.at kī ab barhamī chāhtā huuñ

zindābād ai dil mire maiñ bhī huuñ tujh se muttafiq
pyaar sachchā hai to phir kaisī vafā kaisī jafā