Tags-Dil

ye gar samajhnā hai yārān-e-sāf-go se mujhe
zabāñ pe baat bhī ho dil kī aur zabāñ bhī rahe

tum sitāroñ meñ kabhī tāroñ meñ kho.e rahte
vahshat-e-dil meñ liye ghar se nikalte kyuuñ ho

dil-rubā jān-e-vafā Dartā huuñ nazar-e-bad se
ban sañvar kar yuuñ zamāne meñ nikalte kyuuñ ho

dil-e-bīnā bhī kar ḳhudā se talab
aañkh kā nuur dil kā nuur nahīñ

nā-subūrī hai zindagī dil kī
aah vo dil ki nā-subūr nahīñ

mile gar ḳhāk-e-dar terī to hai iksīr kī chuTkī
abhī hotā hai achchhā ye dil-e-bīmār chuTkī meñ

Thānī thī dil meñ ab na mileñge kisī se ham
par kyā kareñ ki ho ga.e nā-chār jī se ham

koī hove kyūñke na tañg-dil tire dil meñ ai but-e-sañg-dil
asar aah apnī ne ye kyā ki rahīn-e-be-asarī rahī

kabhī dil liyā kabhī diiñ liyā kabhī zar liyā kabhī sar liyā
yūñhī apnī muft-dahī rahī vahī us kī muft-barī rahī

taras rahā huuñ qarār-e-dil-o-nazar ke liye
sukūt-e-shab meñ duā jis tarah sahar ke liye

kitne subuk-dil hue tujh se bichhaḌne ke ba.ad
un se bhī milnā paḌā jin se mohabbat na thī

dil munavvar huā sharāroñ se
ham ko nisbat hai chāñd-tāroñ se

koī āvāz jab nahīñ hotī
saaz bujhte haiñ dil ke tāroñ se

dil kī gahrā.iyāñ kahāñ tak haiñ
'shauq' pūchho ye ġham ke māroñ se

jo bhī darūn-e-dil hai vo bāhar na aa.egā
ab āgahī kā zahr zabāñ par na aa.egā

phir aaj gardish-e-daurāñ se maat khaa.ī hai
bisāt-e-dil hī ulaT do ki hausla kam hai

kisī ke dhyān meñ Duubā huā dil
bahāne se mujhe bhī Tāltā hai

sañg-dil jab bhī koī yaad aayā
lag ke dīvār se royā koī

na us ko bhuul paa.e haiñ na ham ne yaad rakkhā hai
dil-e-barbād ko is tarha se ābād rakkhā hai

javāb apne ko chāhe jo bhī vo malbūs pahnā.e
savāl is dil ne us ke aage mādar-zād rakkhā hai