Tags-Dil

zindagī kyā jo basar ho chain se
dil meñ thoḌī sī tamannā chāhiye

ek dil hī thā zau-fishāñ sar-e-shām
ye diyā bhī bujhā diyā gayā hai

zālim fareb de ke na le dil ġharīb kā
ik roz kaam aa.egā terā diyā liyā

pūchhī hai dost ban ke mire dil kī aarzū
us ne zabān de ke mirā mudda.ā liyā

dil kā hī ek naam hai shāyad ḳhayāl bhī
aisā agar nahīñ hai to dil us ne kyā liyā

ab chhat pe koī chāñd Tahaltā hī nahīñ hai
dil merā magar pahlū badaltā hī nahīñ hai

maiñ khīñchtā rahtā huuñ use dil se shab-o-roz
vo tiir mire dil se nikaltā hī nahīñ hai

taaza rakh āb-e-mehrbānī siiñ
ek dil sau chaman barābar hai

kartā huuñ tere zulm se har baar al-ġhiyās
yak baar tere dil meñ nahīñ kaar al-ġhiyās

jo mere kunj-e-dil meñ gūñjte haiñ
nahīñ dekhe vo duniyā ne zamāne

badan ke saa.e ko dil ke qarīb dekhtā huuñ
ye aaj kis se bichhaḌne kā hai malāl mujhe

sar-e-mahāz mayassar huī hai dildārī
mire ġhanīm batāte haiñ merā haal mujhe

nagar nagar mele ko ga.e kaun sunegā terī pukār
ai dil ai dīvāne dil! dīvāroñ se sar de maar

dil se bas haath uThā tū ab ai ishq
deh-e-vīrān par ḳhirāj nahīñ

mere pahlū se vo guzrā magar is tarah ki chehre pe thā haath
ek mīThī sī ḳhalish chhoḌ ga.ī dil meñ ye jāñ-soz adā

jahāñ ram-dīda ġhazālān-e-taḳhayyul ne use dekhā ho
ye koī ḳhvāb-e-dil-āvez na thā

jin se baḌh kar koī nazroñ kā shanāsā bhī nahīñ
haa.e vo lamha-e-parāñ vo dil-āvez adā

vo nazar hai surāġh meñ dil ke
phuul mahke haiñ daaġh meñ dil ke

hasratoñ kī na pūchh kaifiyyat
ḳhūn-e-dil hai ayāġh meñ dil ke

jal bujhī ek ek aas magar
gul hai raushan-charāġh meñ dil ke