Tags-Dil

ye vahm jaane mere dil se kyuuñ nikal nahīñ rahā
ki us kā bhī mirī tarah se jī sambhal nahīñ rahā

go ab hazār shakl se jalva kare koī
apnā to dil is ā.īna-ḳhāne se uTh gayā

jalī haiñ dard kī sham.eñ magar añdherā hai
kahāñ ho kuchh to kaho dil bahut akelā hai

dil kī nam zamīnoñ par chal rahe haiñ ham kab se
duur zard peḌoñ par āñdhiyoñ ke manzar haiñ

husn-e-kam-qabā dariyā aur huā barahna-pā
naqsh aaj bhī dil par jañgaloñ ke manzar haiñ

dil merā bhar aayā ba-ġham-e-tark-e-mohabbat
ḳhālī thā magar jaam chhalaktā nazar aayā

ḳhudā-shanās bahut ham bhī the magar ab ke
vo maar dil pe paḌī hai ḳhudā ko bhuul ga.e

firāq-e-dīda-o-jāñ dil samajh nahīñ paatā
farār-e-dīda-o-dil tū hī ab tasallī de

dil ke vīrāne meñ kuchh phuul tamannā ke khile
ham bujhe log tire baaġh meñ aa jā ke khile

baat dil kī koī an-kahī rah ga.ī
hoñTh chup aur nazar ye jhukī rah ga.ī

mirī añkhiyāñ phaḌaktī haiñ yaqīñ hai dil manīñ yārāñ
ki naame kuuñ piyāre ke kabūtar le shitāb aave

husn kī taqsīm meñ hī rah ga.ī koī kamī
DhūñDhtā hai dil jise vo shahr meñ sūrat nahīñ

dil to dil kājal bhī ab to lab-kushā hone lage
is liye 'sīmā' tire alfāz kī hājat nahīñ

vo saath jab tak rahe hamāre bahār apne shabāb par thī
vo kyā ga.e ki dil-o-nazar meñ udaas mausam Thahar ga.e haiñ

dukhā hai dil tabhī to mujh pe chhā.ī hai udāsī bhī
mirī palkoñ pe aañsū bhī laboñ par hai ḳhamoshī bhī

judā.ī meñ mire dil kī suno kyā ho ga.ī hālat
mire dil meñ hai vahshat bhī baḌī hai be-qarārī bhī

mirī āñkhoñ meñ vīrānī mire dil ko pareshānī
kuchh aisī chup huī huuñ maiñ nahīñ hai ḳhud-kalāmī bhī

TuuTā mirā har ḳhvāb huā jab se judā vo
itnā to kabhī dil mirā be-ās nahīñ thā

apne apne dil ke andar simTe hue haiñ ham donoñ
gum-sum gum-sum maiñ bhī bahut huuñ khoyā khoyā tū bhī hai

yā-rab vo na samjhe haiñ na samjheñge mirī baat
de aur dil un ko jo na de mujh ko zabāñ aur