Tags-Dil

dil kabhī ḳhvāb ke pīchhe kabhī duniyā kī taraf
ek ne ajr diyā ek ne ujrat nahīñ dī

dil bhar aa.e aur abr-e-dīda meñ paanī na ho
ye zamīñ sahrā dikhā.ī de jo bārānī na ho

tere hone se mire dil meñ hai yādoñ kī chamak
chāñd bujh jaa.e agar sūraj meñ tābānī na ho

ai dil vo āshiqī ke fasāne kidhar ga.e
vo umr kyā huī vo zamāne kidhar ga.e

mausamoñ kī saḳhtiyāñ to bādaloñ sī uḌ ga.iiñ
aaj bhī mahfūz kab hai dil kā shīsha bāl-bhar

dil na dete use to kyā karte
ai 'asar' dukh hameñ uThānā thā

kaTtā huuñ maiñ bhī vo ki mirī jins-e-dil ko dekh
gāhak jo riijh jaa.e to qīmat fuzūñ karūñ

vo āñkheñ jin meñ ḳhvāb haiñ
vo dil hai jin meñ aarzū

zāhid ke dil meñ but hai musalmāñ nahīñ rahā
ye barahman hai sāhab-e-īmāñ nahīñ rahā

sad-shukr apne saath dil us ko bhī le gayā
jo chheḌtā thā ham ko vo armāñ nahīñ rahā

lab-basta daf.atan jo huā zaḳhm-e-dil mirā
dilbar ke ḳhvān kā vo namak-dāñ nahīñ rahā

'bashar' be-rahm haiñ ye parbatoñ jaise usuul apne
kisī ke dil kī vaadī meñ utarne hī nahīñ dete

vo sāmne jab aa jaate haiñ sakte kā sā aalam hotā hai
us dil kī tabāhī kyā kahiye amrit bhī jise sam hotā hai

zamīn itnī nahīñ hai ki paañv rakh paa.eñ
dil-e-ḳharāb kī zid hai ki ghar banāyā jaa.e

tazkira dil kā baar baar na kar
husn ko husn-e-sharmsār na kar

ruuh bechain hai ik dil kī aziyyat kyā hai
dil hī sho.ala hai to ye soz-e-mohabbat kyā hai

dil ne aise bhī kuchh afsāne sunā.e hoñge
ashk āñkhoñ ne piye aur na bahā.e hoñge

yādoñ kā shahr-e-dil meñ charāġhāñ nahīñ rahā
kyā koī ġham hī sho.ala-ba-dāmāñ nahīñ rahā

baḳhiya-garī-e-dil ke tasavvur meñ gum hue
goyā ḳhayāl-e-jumbish-e-mizhgāñ nahīñ rahā

āzār-e-hijr apnī jagah mustaqil magar
dil mujh se tere qurb kā ḳhvāhāñ nahīñ rahā