Tags-Dil

us ne yuuñ arz-e-mohabbat pe sambhal kar dekhā
us ke dil ko to ḳhabar ho na gumāñ ho jaise

tamām sat.heñ ulaT rahī haiñ hayāt kī maut kī ḳhudā kī
jo tere dil se ubhar ke aate haiñ aise sailāb ham hue haiñ

dil meñ hazār dard hoñ aañsū chhupā ke rakh
koī to kārobār ho bin ishtihār ke

aise sulag uThā tirī yādoñ se dil mirā
jaise dhadhak uTheñ kahīñ jañgal chīnār ke

mohabbateñ na rahīñ us ke dil meñ mere liye
magar vo miltā thā hañs kar ki vaz.a-dār jo thā

dil vo pyāsā hai ki dariyā kā tamāshā dekhe
aur phir lahr na dekhe kaf-e-dariyā dekhe

bahut dil ko kushāda kar liyā kyā
zamāne bhar se va.ada kar liyā kyā

hunar-mandī se apnī dil kā safha
mirī jaañ tum ne saada kar liyā kyā

lamha lamha mire hāthoñ se saraktā huā din
aur āseb-zada dil meñ utartī huī shaam

hasrat ko ġhubār-e-dil meñ DhūñDo
zinda madfūn ho ga.ī hai

duniyā ke haiñ na diin ke dilbar ke ho ga.e
ham dil se kalma-go kisī kāfir ke ho ga.e

ai chashm-e-yār maan ga.e tere sehr ko
dil de ke mo'taqid tire mantar ke ho ga.e

ai 'ḳhār' dil jigar pe hī qaabū nahīñ rahā
ham se ḳhilāf ġhair to kyā ghar ke ho ga.e

ai mere dil tanhā dil chup chup rahnā
pahle bhī to shor kiyā, kyā ham ne kiyā

aañsū ne dil kā har daaġh miTā Daalā
paanī se phir naqsh huvaidā ham ne kiyā

marne lagā rag rag meñ saffākī kā zahr
shahr-e-dil kī āb-o-havā tabdīl huī

bechain hai dil uchāT hai dil
bastī bas kar ujaḌ ga.ī hai

gum hosh nazar udaas dil sard
'mahshar' kī ajiib zindagī hai

charāġh-e-zīst bujhā dil se ik dhuāñ niklā
lagā ke aag mire ghar se mehmāñ niklā

dil apnā ḳhaak thā phir ḳhaak ko jalānā kyā
na koī sho.ala uThā aur na kuchh dhuāñ niklā