Tags-Dil

nahīñ aisā bhī jarī koī magar is dil ne
kisī andesha-e-be-nām se Darnā bhī to hai

vo dil meñ rahte haiñ dil kā nishāñ nahīñ ma.alūm
makīn DhūñD rahā huuñ makāñ nahīñ ma.alūm

ġham-e-hastī na kuchh fikr-e-dil-o-jāñ hai jahāñ maiñ huuñ
ki har har gaam par koī nigahbāñ hai jahāñ maiñ huuñ

har ik jazba ta.ayyun se gurezāñ hai jahāñ maiñ huuñ
ġham-e-dil be-niyāz-e-kufr-o-īmāñ hai jahāñ maiñ huuñ

hazrat-e-dil ab na.ī ulfat samajh kar soch kar
aglī bātoñ par na bhūleñ aap vo bāteñ ga.iiñ

phir is ke ba.ad kahāñ imtiyāz-e-dāman-o-dil
junūñ hai shauq faqat iḳhtiyār karne tak

roz-e-azal se ġhāfil terā hī dil hai tujh ko
nāshād karne vaalā yā shaad karne vaalā

jo dil kī hasrat-e-tāmīr hai so itnī hai
ki ho sake to kisī dil meñ ghar banā.ūñ maiñ

maiñ jāntā huuñ añdheroñ kī zindagī kyā hai
bujhe charāġh to dil kā diyā jalā.ūñ maiñ

kūcha-hā-e-dil-o-jāñ kī tīra-shabo aas martī nahīñ
āḳhirī saañs bharte sitāro suno aas martī nahīñ

chashm-e-giryāñ zarā tham bhī jā ashk meñ dil bhī bah jā.egā
sabr sahrā-e-vahshat ke mātam-garo aas martī nahīñ

dard uThne se dil ke sharāre kahāñ bujh sake haiñ kabhī
laakh raushan nigāhoñ meñ ḳhuuñ lā bharo aas martī nahīñ

raakh bin jal bujhe par ye dil se dhuāñ ab bhī uThtā hai kyuuñ
aañkh meñ dekhne kī sakat ho na ho aas martī nahīñ

dil-o-dimāġh pe jab iḳhtiyār thā us kā
kisī havāle se phir iltibās kyā karte

ye sochte the kaheñ hāl-e-dil use lekin
batā ke 'kaif' use dukh udaas kyā karte

ġhāfil na soz-e-ishq se rah phir kabāb hai
gar lā.ehā us aag kā Tak dil ko jā lagā

us kī bātoñ meñ ye jo chiñgārī chamkā kartī haiñ
us ke dil ke andar jaane kitne patthar Takrā.e haiñ

ḳhatt-e-āzādī likhā thā shoḳh ne fardā ġhalat
dil meñ rakhtā aur kuchh zāhir likhā inshā ġhalat

vo nahīñ ham jo Dar hī jāveñge
dil meñ jo hai so kar hī jāveñge

jī to lagtā nahīñ jahāñ dil hai
ham bhī ab to udhar hī jāveñge