Tags-Dil

na.e chehre liye phir aao yaaro
ye dil puurī tarah TuuTā nahīñ hai

ḳhayāl dil meñ hai saaqī kī chashm-e-mai-gūñ kā
sharāb jaam meñ hai aur jaam shīshe meñ

shigāf-e-dil meñ bharā marham-e-mai-e-añgūr
kiyā hai kyā hī karāmat kā kaam shīshe meñ

dil dard se bhar bhar aayā palkoñ pe na chamke aañsū
āñkhoñ ne samundar bhar ke qatre ke liye tarsāyā

sham.a kī tarah pighalte hue dil dekhe haiñ
ashk ban ban ke nikalte hue dil dekhe haiñ

hamārā dil dukhānā kuchh hañsī yā khel samjhe ho
samajh pakḌo javāñ ho ab na jaao tum laḌakpan par

suḳhan ko aap ke ai hazrat-e-dil kis tarah mānūñ
kisī ko e.atibār aatā nahīñ hai qaul-e-dushman par

dil bhī hotā hai sunā karte the har siine meñ
dard bhī us meñ nihāñ thā mujhe ma.alūm na thā

husn-e-ulfat ko samā.e hue siine meñ 'nisār'
dil meñ ik dard javāñ thā mujhe ma.alūm na thā

saiñkaḌoñ zaḳhm haiñ zamāne ke
dil meñ yādoñ kī ik anī hī nahīñ

jab ba-taqrīb-e-safar yaar ne mahmil bāñdhā
tapish-e-shauq ne har zarre pe ik dil bāñdhā

yaas o ummīd ne yak-arbada maidāñ māñgā
ijz-e-himmat ne tilism-e-dil-e-sā.il bāñdhā

na bañdhe tishnagi-e-zauq ke mazmūñ 'ġhālib'
garche dil khol ke dariyā ko bhī sāhil bāñdhā

yaar ne tishnagī-e-shauq ke mazmūñ chāhe
ham ne dil khol ke dariyā ko bhī sāhil bāñdhā

tapish-e-ā.īna parvāz-e-tamannā laa.ī
nāma-e-shauq ba-hāl-e-dil-e-bismil bāñdhā

diida tā-dil hai yāk-ā.īna charāġhāñ kis ne
ḳhalvat-e-nāz pe pairāya-e-mahfil bāñdhā

mutrib-e-dil ne mire tār-e-nafas se 'ġhālib'
saaz par rishta pa.e naġhma-e-'bedil' bāñdhā

mere dāġh-e-dil se hai raushnī isī raushnī se hai zindagī
mujhe Dar hai ai mire chāra-gar ye charāġh tū hī bujhā na de

kuchh kah do jhuuT hī ki tavaqqo bañdhī rahe
toḌo na aasrā dil-e-ummīd-vār kā