Tags-Dil

mohr-ba-lab hai kis liye, kis liye boltā nahīñ
ai dil-e-be-talab! batā kyā koī mudda.ā nahīñ

ye to huā ki raushnī aur bhī kuchh bhaḌak uThī
tez havā ke bāvajūd dil kā diyā bujhā nahīñ

dil kā ajiib rañg hai aur vo shaḳhs sañg hai
tā-ba-nigāh duur tak jis kā koī patā nahīñ

rahte haiñ shahr-e-sañg meñ shīshe kā dil liye
logo hamārā jazba-e-īsār dekhnā

'shād' ye ishq-e-zanaḳhdāñ meñ hai dil Dālūñ Dol
kuud paḌtā huuñ maiñ har chaah meñ andhā ho kar

tajraba hai hameñ mohabbat kā
dil hasīnoñ se pyaar kartā hai

sājid-o-masjūd ham bāham the ham donoñ kā dil
ka.abe kā ka.aba thā aur but-ḳhāne kā but-ḳhāna thā

aañkh se dil meñ samā jaate the dil se ruuh meñ
zindagī-e-shauq kā har haal betābāna thā

maut chamkī kisī shamshīr-e-barhana kī tarah
raushnī dil meñ utartī huī dekhī ga.ī hai

sau bāteñ huiiñ to na milā apne se ai dil
kyā baat hai terī ki vahī baat hai aur tū

buuñd girī thī jalte mausam ke hoñToñ par
aañkh meñ aañsū dil meñ sho.ala vāpas aayā

abhī tum ne nahīñ dekhe sharāre āh-e-sozāñ ke
abhī sho.ale kahāñ bhaḌke haiñ dil meñ dard-e-pinhāñ ke

jalāo ḳhūn-e-dil mahfil meñ jab kuchh raushnī hogī
añdherā har taraf chhāyā huā hai bazm-e-jānāñ ke

dil jigar kī mire pūchhe hai ḳhabar kyā hai ai yaar
nok-e-mizhgāñ pe zarā dekh numūdār hai kyā

thā sharīk-e-bazm-e-ġham maiñ ham-navāñ koī nahīñ
dard-e-dil ko harf karne kā bayāñ koī nahīñ

bahā.e baiThī hai aañsū lahū ke chandni-chowk
karol-bagh ke dil meñ qaroliyoñ kī nok

magar kuchh ab kī dafa is tarah ke charke haiñ
ki jitnī choTeñ haiñ utne hī dil ke TukḌe haiñ

maiñ huā bhī jo bismil-e-teġh-e-jafā vale baaqī hai dil meñ abhī ye vafā
ki yaqīñ hai lahū mirā jā-e-hinā jo lage to na pā-e-sanam se chhuTe

aarzū dil kī thī dil meñ rah ga.ī

mohabbat jazba-e-īsār se parvān chaḌhtī hai
ḳhulūs-e-dil na ho to dostī se kuchh nahīñ hotā