Tags-Dil

is se pahle ki kahānī se kahānī nikle
aa mire dil meñ utar aañkh se paanī nikle

vahāñ mujhe shauq-e-dil tū le jā jahāñ na sāġhar na ho.e miinā
ba-rañg-e-sāqī har ek baiThā sharāb-e-ḳhālis Tapak rahī hai

hamāre dil meñ nahīñ hai kiina ki jaise be-jurm ho nagīna
ye bahr-e-hastī kā hai safīna isī pe duniyā phaḌak rahī hai

jo dil ke taaq meñ tū ne charāġh rakkhā thā
na pūchh maiñ ne use kis tarah sitāra kiyā

parā.ī aag ko ghar meñ uThā ke le aayā
ye kaam dil ne baġhair ujrat o ḳhasāra kiyā

ek hī dil meñ Thahar jaa.eñ hamesha ke liye
zindagī naql-e-makānī meñ na rakkhī jaa.e

dil bhī thoḌā sā subuk-dosh-e-tamannā kar de
kuchh tabī.at bhī girānī meñ na rakkhī jaa.e

jin ko zamīn dīda-e-dil se aziiz thī
vo kam-nigāh log the hijrat na kar sake

kyā kareñ dil jo kahe meñ ho to ham ai 'jur.at'
na kahīñ jaa.eñ ki hai sab se bhalā ghar apnā

hai āftāb aur mire dil kā daaġh ek
dekhā to bazm-e-ishq meñ hai ye charāġh ek

jis din se vo ḳhayāl meñ terī kamar ke hai
anqā kā aur dil kā mire hai surāġh ek

laa.eñ kahāñ se terī sī fikr-e-buland ham
'joshish' nahīñ har ek kā dil aur dimāġh ek

'ajmal' jab un kī bazm meñ chheḌī hai dil kī baat
apne to ḳhair ġhair ko taḌpā ga.e haiñ ham

ushshāq kā dil daaġh kā andāza huā mahz
peshānī-e-dilbar pe ajab ġhāza huā mahz

ayaañ the jazba-e-dil aur bayāñ the saare ḳhayāl
koī bhī parda na thā jab ke the hijāb meñ ham

nazar ke hārte hī dil bhī haarā
mirī ik din meñ ġhalatī dūsrī hai

kyā huā gar vā.iz-o-mullā ke dil haiñ be-charāġh
gosha-e-masjid meñ nanhā sā diyā bhī kam nahīñ

dil meñ yuuñ chaah kā armāñ na huā thā so huā
jis kī ḳhātir maiñ pareshāñ na huā thā so huā

ye bhī e.ajāz-e-mohabbat hai ki vo shoḳh kabhī
vaj.h-e-taskīn-e-dil-o-jāñ na huā thā so huā

jal uThīñ dil meñ tirī yaad kī sham.eñ āḳhir
is ḳharābe meñ charāġhāñ na huā thā so huā