Tags-Dil

mere siine meñ jo dhaḌaktā hai
merā dil hai ki aap kā hai jī

us kā charāġh-e-murād rahiyo farozāñ mudām
dāġhoñ se dil ko mere jis ne charāġhāñ kiyā

ḳhāmoshī kā sabab kuchh aur hī hai
varna dil meñ na ḳhauf hai na hirās

ab ye 'parvez' dil kā aalam hai
koī ummīd hai na koī aas

mere dil meñ to har zamāñ ho tum
chashm-e-zāhir se kyuuñ nihāñ ho tum

dil-o-dīñ donoñ nazr kartā huuñ
aisī chīzoñ ke qadr-dāñ ho tum

baat meñ dil ko khīñch lete ho
kis qayāmat ke ḳhush-bayāñ ho tum

ahl-e-dil rāh-e-adam se bhī guzar jaate haiñ
nām-levā tire be-ḳhauf-o-ḳhatar jaate haiñ

chārāgar hājat-e-marham nahīñ un ko aslan
zaḳhm-e-dil lazzat-e-īsār se bhar jaate haiñ

kushta-e-nāz tirā kyuuñ na zamīñ par loTe
dāġh-e-dil jitne haiñ is tarah vo bhar jaate haiñ

yā ho ga.e vo daaġh jahāñgīr ke dil ke
qābil hī to the āshiq-e-dil-gīr ke dil ke!

hasrat hai Tapaktī dar-o-dīvār se kyā kyā
hotā hai asar dil pe in āsār se kyā kyā

duniyā kā ye anjām hai dekh ai dil-e-nādāñ
haañ bhuul na jaa.e tujhe ye madfan-e-vīrāñ

niiñd kahāñ ab to rahtī hai ā.ankhoñ meñ zahrāb kī dhund
miTTī kā dil chiir ke saare ḳhvāboñ ko daab aa.e ham

jhūTī sī ik aas pe shāyad pūchh le koī dil kā haal
chehre kā kashkol liye phirte haiñ ruup banā.e ham

na uljho is qadar be-vaj.h suljhāne meñ zulfoñ ke
dil-e-sad-chāk to ham bhī ba-rañg-e-shāna rakhte haiñ

dil apnā kyuuñ na ho bahr-e-jahāñ meñ juuñ guhar kaalā
talāsh-e-āb hai ham ko na fikr-e-dāna rakhte haiñ

na kyūñkar bazm meñ raushan ho apnī shab ye dil-sozī
ki ulfat sham.a-rū se ham bhī juuñ parvāna rakhte haiñ