Tags-Dil

dil charāġh-e-mahfil hai lekin us ke aane tak
baar baar bujhtā hai baar baar jaltā hai

dil tapāñ nahīñ rahtā maiñ ġhazal nahīñ kahtā
ye sharār apnī hī aag se uchhaltā hai

dil hai yā mele meñ khoyā huā bachcha koī
jis ko bahlā nahīñ saktā hai khilaunā koī

ḳhvāhisheñ dil meñ machal kar yūñhī so jaatī haiñ
jaise añgnā.ī meñ rotā huā bachcha koī

dil koī phuul nahīñ hai ki agar toḌ diyā
shāḳh par is se bhī khil jā.egā achchhā koī

aarzū ko salām karte haiñ
dil kā qissa tamām karte haiñ

is shahr-e-sañg-dil ko jalā denā chāhiye
phir us kī ḳhaak ko bhī uḌā denā chāhiye

ham ko ye gila mahbūb unheñ afsāna-e-bazm-e-aish-o-tarab
shikva ye unheñ ham un se dil-e-ranjūr kī bāteñ karte haiñ

jo tere sivā dil meñ koī nahīñ
to kyuuñ shor is meñ bhare ghar kā hai

zamāne kī dil ko havā lag ga.ī
vagarna ye laḌkā bhale ghar kā hai

har koī dil kī hathelī pe hai sahrā rakkhe
kis ko sairāb kare vo kise pyāsā rakkhe

dil bhī pāgal hai ki us shaḳhs se vābasta hai
jo kisī aur kā hone de na apnā rakkhe

kyā kaheñ aur dil ke baare meñ
ham mulāzim haiñ is idāre meñ

terī ḳhātir mausam-e-gul meñ
kāñTe dil meñ chubho leñge

magar ye dil bahaltā hī nahīñ go is ke aage
tumhāre ba.ad ye saarā jahāñ rakkhā gayā hai

ashkoñ se dil kā zaḳhm bhī dhone nahīñ diyā
mujh ko ḳhud apne haal pe rone nahīñ diyā

aayā hai dil-e-zār ko paiġhām-e-masarrat
ye bhī ġham-e-fardā kā taqāzā to nahīñ hai

yuuñ ruuTh ke jaane pe maiñ ḳhāmosh huuñ lekin
ye baat mire dil ko gavārā to nahīñ hai

har haal meñ lāzim hai mujhe pās-e-mohabbat
ye sach hai magar dil kā bharosa to nahīñ hai