Tags-Dil

dil kī jaulāñ-gah-e-vahshat hai abad se mausūm
naam azal hai mire bhūle hue afsāne kā

dil jo apnā bhī hai 'nātiq' to ye apnā nahīñ kuchh
hai jo apnā bhī to hogā kisī begāne kā

parda-e-shab kī oT meñ zohra-jamāl kho ga.e
dil kā kañval bujhā to shahr tīra-o-tār ho ga.e

ahl-e-junūñ ke dil 'shakeb' narm the mom kī tarah
tesha-e-yās jab chalā tūda-e-sañg ho ga.e

na jhaTko zulf se paanī ye motī TuuT jā.eñge
tumhārā kuchh na bigḌegā magar dil TuuT jā.eñge

dam junūñ kī had-e-intihā pe Thahrā hai
ye merā dil hai abhī ibtidā pe Thahrā hai

nafas nafas meñ bhaḌaktī hai dil kī lau 'sarmad'
ajab charāġh hai ye bām-e-hū pe Thahrā hai

zulf-e-jānāñ dīda-e-nam dard-e-dil
in se bāhar aa.eñ to duniyā dikhe

ijāzat ho to terā naam likh luuñ
mire dil kā varaq saada hai ab tak

patvār gir ga.ī thī samundar kī god meñ
dil kā safīna phir bhī lahū ke safar meñ thā

charchā hamārā ishq ne kyuuñ jā-ba-jā kiyā
dil us ko de diyā to bhalā kyā burā kiyā

shām-e-alam bhī guzrī pahlū badal badal kar
rotā rahā hai ye dil pahroñ machal machal kar

dil-e-shikasta kī nīm-jāñ ḳhvāhishoñ ko jiinā sikhā rahī hai
nigāh-e-afsūñ-bayān us kī butoñ se sajda karā rahī hai

jo reg-e-dil pe likhā hai us ko dukhoñ kā paanī miTā na Daale
maiñ ḳhvāb dekhe hī jā rahā huuñ ye aañkh barse hī jā rahī hai

pīr-e-haram ne kahā sun ke merī rūedād
puḳhta hai terī fuġhāñ ab na ise dil meñ thaam

kyuuñ na rakhkhūñ daaġh dil par jaise laala dar-e-chaman
ḳhaal ġhair-e-fām us ruḳhsār par gul-rañg thā

ho gayā mahv-e-tamāshā ġhair kī mahfil meñ kyuuñ
ġhair tere dil mirā jyuuñ shīsha vaqf-e-sañg thā

kabhī kisī kā tajassus kabhī ḳhud apnī talāsh
ajiib dil hai hamesha safar meñ rahtā hai

hameñ jo maan rahe haiñ zabāñ se bhī apnī
is intihā pe vo aa.e haiñ dil se maan ke hī

dil ke armānoñ kā kyā haal kaheñ tum se miyāñ
baaġh is mulk ke vīrāñ hue kaise kaise