Tags-Dil

dil kā mo.āmla bhī hai kuchh is tarah kā dost
taaza sā ek zaḳhm ho jaise dukhā huā

kahte haiñ 'qāsmī' bhī bachpan kā hai chaTorā
hatthe chaḌhegī jab bhī vo dilrubā to jaano

tirī yaad bhī jaise aarī hai koī
mire dil pe chaltī huī dhīre dhīre

dil ko ai ishq sū-e-zulf-e-siyah-fām na bhej
rahzanoñ meñ tū musāfir ko sar-e-shām na bhej

dil-o-dimāġh kī uljhan meñ ye kahāñ mumkin
ki zehn-o-dil to thakeñ ruuh ko thakān na ho

sukūñ paayā tabī.at ne na dil ko hī qarār aayā
jo aañsū aañkh meñ aayā baḌā be-e'tibār aayā

milā maiñ ḳhaak meñ mar mar ke aah par to bhī
na be-qarārī-e-dil ke ta.iiñ qarār aayā

mīr-e-majlis-e-rindāñ aaj vo sharābī hai
ḳhūn-e-dil jise merā bada-e-gulābī hai

dil ko saḳht betābī chashm ko be-ḳhvābī hai
hijr meñ tire zālim ye ye kuchh ḳharābī hai

ye to honā hī thā mahtāb-e-tamāshā phir bhī
kitne dil TuuT ga.e haiñ tirī tasḳhīr ke saath

rābta TuuT na jaa.e kahīñ ḳhud-bīnī se
dil laraz uTThā hai māhaul kī sañgīnī se

ab vo tūfāñ hai na vo shor havāoñ jaisā
dil kā aalam hai tire ba.ad ḳhalāoñ jaisā

phir tirī yaad ke mausam ne jagā.e mahshar
phir mire dil meñ uThā shor havāoñ jaisā

aañkh ne dekhā na ho dil to magar jaane hai
kaun detā hai darīchoñ pe sadā āhista

tabīb ho ke bhī dil kī davā nahīñ karte
ham apne zaḳhmoñ se koī daġhā nahīñ karte

dil ke har juzv meñ judā.ī hai
dard uThe aabla agar baiThe

masrūr dil-e-zār kabhī ho nahīñ saktā
ya.anī tirā dīdār kabhī ho nahīñ saktā

phir qissa-e-shab likh dene ke ye dil hālāt banā.e hai
har sher hamārā āḳhir ko terī hī baat banā.e hai

ab ḳhvāb meñ bhī us zālim ko bas hijr kā saudā rahtā hai
ai jazba-e-dil tū kis ke liye ye phuul aur paat banā.e hai

har baar vahī hijrāñ hijrāñ kā shor machāne vaalā dil
apnī hī kare hai rishta-e-ġham tere hī saat banā.e hai