Tags-Dil

is tarah nigāheñ mat phero, aisā na ho dhaḌkan ruk jaa.e
siine meñ koī patthar to nahīñ ehsās kā mārā, dil hī to hai

jazbāt bhī hindū hote haiñ chāhat bhī musalmāñ hotī hai
duniyā kā ishāra thā lekin samjhā na ishārā, dil hī to hai

bedād-garoñ kī Thokar se sab ḳhvāb suhāne chuur hue
ab dil kā sahārā ġham hī to hai ab ġham kā sahārā dil hī to hai

hai hai koī dil dene ke qābil nahīñ miltā
armān taḌapte haiñ ki qātil nahīñ miltā

apnā bhī to miltā nahīñ dil mujh se phir ai yaar
kis muñh se kahūñ tujh se tirā dil nahīñ miltā

yārab tamkīñ dahr meñ qātil nahīñ miltā
phīke kisī dilbar se mirā dil nahīñ miltā

mashq-e-sitam-o-jor kā chaurañg huuñ is se
āshiq koī mujh sā unheñ be-dil nahīñ miltā

choT khāne kā shauq hai dil ko
nigah-e-nāz kā qusūr nahīñ

laakh aao na yuuñ qarīb mire
tum kisī vaqt dil se duur nahīñ

bāda-e-shauq dil se pī ai 'ashk'
shīsha-o-jām kuchh zarūr nahīñ

tītarī sañg ye dil aaj jo āvāra hai
lauT ke vaqt vo bachpan kā suhānā aayā

ishq ko apne liye samjhā asāsa dil kā
aur is dil ne banā Daalā tamāshā dil kā

ba.ad tere koī nazroñ meñ samāyā hī nahīñ
ab sadā detā nahīñ ḳhālī ye kaasa dil kā

ek tūfān hai roke se nahīñ jo ruktā
mauj ne toḌ diyā ho na kinārā dil kā

do-ghaḌī chain se jiine nahīñ detā nādāñ
jaan paate hī nahīñ kyā hai irāda dil kā

vo palaT aa.e kabhī aur use maiñ na milūñ
le hī Dūbegā kisī roz ye dhaḌkā dil kā

chāhateñ bāñTī haiñ duniyā ko mohabbat dī hai
maiñ ne kab yūñhī sambhālā hai ḳhazāna dil kā

darmiyāñ ishq ke dīvār khaḌī hai 'shahnāz'
aql pe kaisā lagā aaj ye pahra dil kā

dil-o-nazar kī bahāroñ ke ruḳh palaTte hī
'rishī' gulāb kā chehra bhī aab aab huā

mujh ko āvāz dete rahe roz-o-shab tere lutf-o-karam meñ ye aa paa.ī kab
tū nahīñ jab milā to huā ye ġhazab har tamannā-e-dil dar-ba-dar ho ga.ī