Tags-Dil

daurā hai jab se bazm meñ terī sharāb kā
bāzār garm hai mire dil ke kabāb kā

jo nāma-bar gayā na phirā ek ab talak
ai dil tū intizār abas hai javāb kā

khul gayā haal is dil-e-betāb kā
muñh dupaTTe se jo un kā khul gayā

dil kī be-tābī ne rusvā kar diyā
haa.e sab par raaz apnā khul gayā

dekhiye kyā dil se dil ko raah hai
raaz jo tum ne chhupāyā khul gayā

diloñ kī baat badan kī zabāñ se kah dete
ye chāhte the magar dil idhar nahīñ aayā

patthar meñ kaun joñk lagā.egā mere dost
dil hai to mubtalā bhī kahīñ honā chāhiye

vo jo zaḳhm deñ so qubūl hai tire vāste vahī phuul hai
yahī ahl-e-dil kā usuul hai vo rulā.e jaa.eñ tū gaa.e jā

bhuul jaanā thā jise sabt hai dil par mere
yaad rakhnā thā jise us ko bhulā baiThā huuñ

surḳh hoñToñ se mire dil pe nishānī likh de
tū mire naam ke aage kabhī jaanī likh de

umr guzrī hai mirī shām-e-furāt-e-dil meñ
maiñ huuñ pyāsā mire nusḳhe meñ tū paanī likh de

aarzū ek hī is dil meñ rahī hai raqsāñ
tū koī mere liye shaam suhānī likh de

ain mumkin hai mire dil ko sukūñ mil jaa.e
safha-e-dil pe koī yaad purānī likh de

terā ḳhayāl terī tamannā tak aa gayā
maiñ dil ko DhūñDhtā huā duniyā tak aa gayā

dost kyā ḳhud ko bhī pursish kī ijāzat nahīñ dī
dil ko ḳhuuñ hone diyā aañkh ko zahmat nahīñ dī

dil kabhī ḳhvāb ke pīchhe kabhī duniyā kī taraf
ek ne ajr diyā ek ne ujrat nahīñ dī

gardish-e-pā kisī manzil pe Thahartī hī nahīñ
dil magar baḌhtā nahīñ kū-e-butāñ se aage

tumheñ aisā be-rahm jaanā na thā
ġharaz kyā kaheñ dil lagānā na thā

kuchh aise raushnī dil meñ utartī hai qarīne se
bahut imkāñ tire va.adoñ ke sadqe jaag uThte haiñ

bhūle se mohabbat kar baiThā, nādāñ thā bechārā, dil hī to hai
har dil se ḳhatā ho jaatī hai, bigḌo na ḳhudārā, dil hī to hai