Tags-Dil

ye qismat daaġh jis meñ dard jis meñ
vo dil ho luuT dast-e-nāznīñ par

'riyāz' achchhe musalmāñ aap bhī haiñ
ki dil aayā bhī to kāfir hasīñ par

koī vahshat bhī mire dil meñ na thī
koī saudā bhī mire sar meñ na thā

sham.a ke rone pe bas saaf hañsī aatī hai
ātish-e-dil kahīñ kam hotī hai chaar aañsū se

nazar se duur haiñ dil se judā na ham haiñ na tum
gila kareñ bhī to kyā be-vafā na ham haiñ na tum

ham ko kis ke ġham ne maarā ye kahānī phir sahī
kis ne toḌā dil hamārā ye kahānī phir sahī

nit-na.e rañg se kartā rahā dil ko pāmāl
barbat-e-jāñ meñ samāyā huā ik husn-e-malāl

tū mayassar thā to dil meñ the hazāroñ armāñ
tū nahīñ hai to har ik samt ajab rañg-e-malāl

jab nāḳhun-e-vahshat chalte the roke se kisī ke ruk na sake
ab chāk-e-dil-e-insāniyyat siite haiñ to siinā mushkil hai

karne ko rafū kar hī leñge duniyā vaale sab zaḳhm apne
jo zaḳhm dil-e-insāñ pe lagā us zaḳhm kā siina mushkil hai

dil se jab lau lagī nahīñ hotī
aañkh bhī shabnamī nahīñ hotī

ab imtiyāz-e-zāhir-o-bātin bhī miT gayā
dil chaak ho rahā hai garebāñ ke saath saath

ā.īna-dil kī chashm meñ nuur jamāl dost
raushan huā hai har dar-o-dīvār kī taraf

hai dil kuuñ azm-e-chauk umīd-e-visāl par
dīvāna kā ḳhayāl hai bāzār kī taraf

kyā pūchhte ho tum ki tirā dil kidhar gayā
dil kā makāñ kahāñ? yahī dildār kī taraf

ye aur baat jigar laḳht-laḳht ho jaatā
us ek pal ke liye dil bhī saḳht ho jaatā

udāsī ke daldal meñ girtā huā dil
bachā.ūñ maiñ kaise ye martā huā dil

maiñ us kī mohabbat meñ labrez dariyā
vo mujh meñ utar ke ubhartā huā dil

sitāre ḳhalā se abhī toḌ lā.ūñ
magar āsmāñ se ye Dartā huā dil

kabhī tum ne dekhā hai bolo batāo
kisī ā.īne meñ sañvartā huā dil