Tags-Dil

chhoḌ kar dil meñ ga.ī vahshī havā kuchh bhī nahīñ
kis qadar gunjān jañgal thā rahā kuchh bhī nahīñ

dil pe lākhoñ lafz kanda kar ga.ī us kī nazar
aur kahne ko abhī us ne kahā kuchh bhī nahīñ

ho ga.e muztar dekhte hī vo hiltī zulfeñ phirtī nazar ham
dete haiñ dil ik āfat-e-jāñ ko thāme hue hāthoñ se jigar ham

sulh huī to naale khīñche yuuñ karte haiñ sab ko ḳhabar ham
pīTte haiñ siine kā DhiñDhorā dete haiñ dil bār-e-digar ham

dil ke andar tuur ke uupar chashm-e-sanam meñ ain haram meñ
terī hī sūrat terī hī mūrat pūjne jaa.eñ tujh ko kidhar ham

saaya ban kar saath chaleñge saath phireñge saath raheñge
apne ghar meñ ġhair ke dil meñ jaao jidhar tum aa.eñ udhar ham

sab se chhuḌā kar laa.e uḌā kar kyā na rakheñge dil meñ chhupā kar
rahne basne chalne phirne tum ko ḳhudā kā deñge ghar ham

muñh jo khulegā rañj baḌhegā ham se na bolo ham ko na chheḌo
kāhīda-tan āzurda-jān āshufta-dil ḳhasta-jigar ham

rañj gar aayā ho to bhulā de pyaar baḌhā de ham se milā de
un kī nigah se to gir to chuke haiñ jaa.eñ na yārab dil se utar ham

Thahrī hai bāham lutf kī baazī pahle jo paa.e jiit usī kī
vasl kī shab hai DhūñDh rahe haiñ dil vo hamārā un kī kamar ham

roz na.e dil laa.eñ kahāñ se aise tohfe paa.eñ kahāñ se
chaaT paḌī hai tum ko diloñ kī lūTne jaa.eñ kis kā ghar ham

jo chashm-e-yār hai hosh-o-ḳhirad shikār bahut
dil-o-nazar pe hameñ bhī hai iḳhtiyār bahut

dil-e-tabāh kī nairañgiyoñ kā haal na pūchh
gahe qarār bahut gaah be-qarār bahut

yādash-ba-ḳhair ḳhāk-e-vatan terī god meñ
kyā log the jo daar ko dildār kah ga.e

mirā dil ik sulagtā sā kuaañ kyuuñ
yahāñ Thahrā hī kartā hai dhuāñ kyuuñ

dil pe ik ġham kī ghaTā chhā.ī huī thī kab se
aaj un se jo mile TuuT ke barsāt huī

ġham-e-dil hīta-e-tahrīr meñ aatā hī nahīñ
jo kināroñ meñ simaT jaa.e vo dariyā hī nahīñ

is ke pardoñ pe munaqqash tirī āvāz bhī hai
ḳhāna-e-dil meñ faqat terā sarāpā hī nahīñ

mujh ko ye jān-o-dil qubūl naġhme ko naġhma hī samajh
saaz ye bīt.tī hai kyā ye bhī kabhī kabhī samajh

aql ke kārobār meñ dil ko bhī rakh sharīk-e-kār
dil ke muāmalāt meñ aql ko ajnabī samajh