Tags-Dil

kis ḳhushī kī talab nahīñ dil meñ
dard kuchh be-sabab nahīñ dil meñ

aap kā intizār hai phir bhī
bekalī go ki ab nahīñ dil meñ

ġham-e-daurāñ kā ho harā varna
aap kī yaad kab nahīñ dil meñ

jaane kyā gul khilā.e shām-e-bahār
hasrat-e-zulf-o-lab nahīñ dil meñ

kaun sī hai vo aarzū ki 'salām'
aaj bhī tishna-lab nahīñ dil meñ

bazm-e-sukūt-e-dil meñ hai halchal machī huī
sārañgiyāñ haiñ kis ke badan kī ġhazal-sarā

dil kī maujoñ kī taḌap merī sadā meñ aa.e
dā.ere karb ke phaile to havā meñ aa.e

dil meñ zaḳhmoñ kī na.ī fasl ugāne nikle
dard ke phuul bayābāñ meñ khilāne nikle

dil ne jab qaid-e-ta.alluq se rihā.ī māñgī
qurbatoñ ke liye kuchh aur bahāne nikle

tum apnī āñkhoñ kī laalī phūloñ meñ taqsīm karo
mere dil kā haal na pūchho rahne do jis haal meñ hai

duur rah kar vatan kī fazā se jab bhī ahbāb kī yaad aa.ī
hijr meñ rah gayā dil taḌap kar aañkh fart-e-alam se bhar aa.ī

un kā anjām hai sar-bulandī jin ke dil meñ nahīñ ḳhud-pasandī
jin ko mahbūb hai ḳhāksārī un ko aatī nahīñ ḳhud-satā.ī

dil hai insān kā ābgīna is ke jalvoñ kā hai ye ḳhazīna
baiThne deñ na gard-e-kudūrat ābgīne kī rakkhe safā.ī

terī rahmat kā dil ko yaqīñ hai is meñ mujh ko koī shak nahīñ hai
hogī maqbūl ik roz yārab tere dar kī mirī jubba-sā.ī

kyā ab insāniyat mar chukī hai bad-zanī dil meñ ghar kar chukī hai
kuchh samajh meñ nahīñ aa rahā hai kyuuñ hai bad-ḳhvāh bhaa.ī kā bhaa.ī

aadmī kī ye kaisī ravish hai dil meñ is ke ye kaisī ḳhalish hai
ġhair se qurbat-e-dostāna aur apnoñ se be-e'tinā.ī

kaun mausam hai ki patthar se lahū ristā hai
ḳhūñ-bahā māñge hai ab dil kī sadā ham se bahut

dil-e-tabāh meñ ābād hai zamāne se
ik aisī baat jo khultī hai muskurāne se

tū chāhtī hai to tapish-e-dil ki ba.ad-e-marg
kunj-e-mazār meñ bhī na maiñ ārmīda huuñ

koh-e-ġham rakhtī hai dil par is ḳhirām-e-nāz se
ḳhajlat-e-raftār-e-kabk-e-kohsārī khīñch kar