Tags-Dil

kis se dil bahlā.ūñ maiñ
kis ke naaz uThā.ūñ maiñ

ab use nā-ummīd kyuuñ kahiye
dil ko taufīq-e-mudda.ā hī nahīñ

ġham meñ lazzat kahāñ ki dil na rahā
haa.e vo hasrat-āshna hī nahīñ

dil kyā kare jo raaz mohabbat kā khul gayā
maiñ kyā karūñ ki ishq hī ik nāmvar se hai

tūr-e-dil kī ḳhair ho ab tāb-e-nazzāra kahāñ
husn kā jalva tumhāre barq gir jaane kā naam

tāsīr-e-ḳhāk aa.egī alfāz meñ mire
dil meñ hai aur baat laboñ par kuchh aur hai

ġharīb dil ne bahut ārzūeñ paidā kiiñ
magar nasīb kā likkhā ki sab kā ḳhuun huā

Dūbtā hai aa ke sūraj un ke paas
vo darīche mere dil ko bhā ga.e

kaash dekho kabhī TuuTe hue ā.īnoñ ko
dil shikasta ho to phir apnā parāyā kyā hai

mere ashkoñ se bahī ban ke lahū dil kā yuuñ
ho kaTīlī koī talvār udāsī merī

jab zarā raat huī aur mah o anjum aa.e
bār-hā dil ne ye mahsūs kiyā tum aa.e

ye ġhazleñ nazmeñ ye dil ke jazbe ye mahke mahke ḳhayāl saare
sajā rahī huuñ maiñ lafz apne kisī kī mujh par nazar nahīñ hai

arsh se jab nahīñ uThtī mirī fariyād kī guuñj
maiñ tujhe dil ke ḳharābe meñ pukār aatā huuñ

tujh se chhuT kar bhī tirī surḳhī-e-āriz kī qasam
chupke chupke tire dil meñ ka.ī baar aatā huuñ

tasallī ab huī kuchh dil ko mere
tirī galiyoñ ko suunā dekh aayā

tumheñ dil de to de 'tābāñ' ye Dar hai
hamesha ko tumhārā ho na jaa.e

jhūTe va.ade tire ai jaan karūñ sab bāvar
dil shikasta na kare gar tirī paimāñ-shikanī

kaun pahlū se uTh gayā 'anjum'
aap kyuuñ dil dabā.e baiThe haiñ

dil-e-ḳhush-fahm tirī ḳhush-fahmī
muntashir gard-e-safar hone tak

le jaa.e mujhe sū-e-chaman ab na bahārāñ
dil qismat-e-zindāñ kī qasam khaa.e hue hai