Tags-Dil

mujh ko duniyā se kyā matlab
dil bhī merā tum bhī mere

kyuuñ paTaktā hai sar sañg se jī jalā Dhañg se
dil hī ban jā.egā ḳhud sanam sabr kar sabr kar

pahle khil jaa.e dil kā kañval phir likheñge ġhazal
koī dam ai sarīr-e-qalam sabr kar sabr kar

jab ye dil rifāqat kī kachchī niiñd se jaagā
har taraf sunā.ī dī iḳhtitām kī aahaT

raat ke utarte hī dil kī suunī galiyoñ meñ
jaag uThtī hai phir se tere naam kī aahaT

ab tak dil-e-ḳhush-fahm ko tujh se haiñ umīdeñ
ye āḳhirī sham.eñ bhī bujhāne ke liye aa

qāmat-e-yār par aarzū kī qabā
dil ke hāthoñ sajāte rahe rāt-bhar

thaah is dil kī dekheñ pa dekheñ to kyuuñ
dekhā jā.egā kyā apne ḳhvāboñ kā ḳhuuñ

kyā fusūñ tū ne ḳhudā jaane ye ham par maarā
tujh se phirtā nahīñ dil ham ne bahut sar maarā

jise ziist se koī pyaar thā use zahr se sarokār thā
vahī ḳhāk-o-ḳhūñ meñ paḌā milā jise dard-e-dil ne mazā diyā

vo ghar kare kisī dil meñ to ain mumkin hai
hamārī dar-badarī bhī kisī Thikāne lage

dil kī mehrāb ko darkār hai ik sham.a faqat
vo jalāne ke liye ho ki bujhāne ke liye

zabt-e-paiham ke nisār ai dil-e-āzār-talab
shart-e-dāman bhī uThā ashk bahāne ke liye

dil kī daryūza-gar-e-harf-e-tasallī na rahā
ham ne ye rasm uThā dī hai zamāne ke liye

bichhaḌ ke tujh se tujhī ko sochoñ tujhī ko chāhūñ
ki naam tere hī apne dil kī kitāb likkhūñ

na kuchh samajh meñ jo aa.e dil kī to ro paḌūñ maiñ
ki hijr meñ ye guzarte lamhe azaab likkhūñ

tasvīr-e-zindagī meñ nayā rañg bhar ga.e
vo hādse jo dil pe hamāre guzar ga.e

ḳhudā kare ki mire dost ḳhairiyat se hoñ
ajiib tarah kī dil meñ chubhan sī paatā huuñ

maiñ ki tanhā e'tibār-e-zāt khone se huā
jo huā vo dil meñ shak kā biij bone se huā

vo mastī-ḳhez nazreñ rafta rafta le uḌiiñ mujh ko
kiyā kāshāna-e-dil ko ḳharāb āhista āhista