Tags-Dil

ai bulbul-e-dil yuuñ ġham pī kar mat chahak ki ab lab ko sī le
sab saaz burīda-hāl hue ab raag purānā mushkil hai

maanā ki muqaddar hai furqat lāzim hai judā.ī bhī lekin
in sard añdherī rātoñ meñ dil ko samjhānā mushkil hai

ai junūñ kuchh der shaġhl-e-ḳhāk-bāzī hī sahī
dil to is sahrā-e-hastī meñ bahalnā chāhiye

ranj-o-ġham māñge hai andoh-o-balā māñge hai
dil vo mujrim hai ki ḳhud apnī sazā māñge hai

dil har ik haal se begāna huā jaatā hai
ab tavajjoh na taġhāful na adā māñge hai

sargarm hai dil shāfa-e-mahshar kī talab meñ
kāfir huuñ agar kuchh bhī ġham-e-roz-e-jazā hai

chaleñ kahīñ to siyah-dil zamānoñ meñ hoñgī
farāġhateñ bhī is ik sidq-e-rā.egāñ ke liye

taras rahe haiñ sadā ḳhisht ḳhisht lamhoñ ke des
jo mere dil meñ hai is shahr-e-be-makāñ ke liye

zamīr-e-ḳhāk meñ ḳhufta hai merā dil 'amjad'
ki niiñd mujh ko milī ḳhvāb-e-raftagāñ ke liye

mire ehsās ke ātish-fishāñ kā
agar ho to mire dil tak dhuāñ ho

salām us pe ki jis ne uThā ke parda-e-dil
mujhī meñ rah ke mujhī meñ samā ke luuT liyā

unhīñ ke dil se koī us kī azmateñ pūchhe
vo ek dil jise sab kuchh luTā ke luuT liyā

ḳhushā vo jaan jise dī ga.ī amānat-e-ishq
rahe vo dil jise apnā banā ke luuT liyā

baḌe vo aa.e dil o jaañ ke lūTne vaale
nazar se chheḌ diyā gudgudā ke luuT liyā

koī ye luuT to dekhe ki us ne jab chāhā
tamām hastī-e-dil ko jagā ke luuT liyā

idhar aa.e to use paas bulā kar dekheñ
hāl-e-dil us ko zarā aaj sunā kar dekheñ

kitne aks ubhre haiñ aur kitne hue haiñ ma.adūm
dil ke ā.īne ko ā.īna dikhā kar dekheñ

jo mere sāmne hai aur dil-o-dimāġh meñ bhī
chahār-samt usī ko pukārtā huā maiñ

kab dil ko javāb se ġharaz thī
hoñToñ ko savāl chāhiye thā

fankāro kī sunnat huuñ 'afsar' jo hai dil meñ vo hai muñh par
phāñsne vaalī chaal hai jis meñ makḌī kā vo jaal nahīñ maiñ