Tags-Dil

dabe jo aag to dil se dhuāñ sā uThtā hai
makāñ ke parde se ik lā-makāñ sā uThtā hai

lahū kā cell ho yā zamzama ho jo kuchh ho
hamāre dil se har ik be-karāñ sā uThtā hai

is liye detā dil tum ko ki lo aur bhuul jaao
maiñ ne ik tasvīr dī hai tāq-e-nisyāñ ke liye

jo ham dil ke dil meñ hī dafnā rahe haiñ
vo asrār ḳhud hī khule jā rahe haiñ

kyā kyā rog lage haiñ dil ko kyā kyā un ke bhed
ham sab ko samjhāne vaale kaun hameñ samjhā.e

sarsabz ye jañgal chāhat kā vo dasht-e-vafā hai vīrāñ bhī
hai dil ko sukūñ bhī dekh ke ye aur zehn-e-rasā hai hairāñ bhī

ab ham meñ nahīñ vo josh-e-junūñ us meñ bhī nahīñ vo baat ki jo
rāhat kā sabab the dil ke liye jānāñ nahīñ zikr-e-jānāñ bhī

kise ḳhabar hai maiñ dil se ki jaañ se guzrūñgā
jo baar baar saf-e-dushmanāñ se guzrūñgā

dil kī banjar dhartī meñ
mīThe sapne botā huuñ

biite vaqt kā chehra DhūñDhtā rahtā hai
dil pāgal hai kyā kyā DhūñDhtā rahtā hai

dil sab se miltā hai halke lahje meñ
sab meñ kuchh kuchh tujh sā DhūñDhtā rahtā hai

jeb meñ dil thaile meñ patthar le kar 'arsh'
shahr koī dīvāna DhūñDhtā rahtā hai

haiñ sau tarīqe aur bhī ai be-qarār dil
iz.hār-e-shikva shikve ke andāz meñ na ho

ishq kī garmī-e-bāzār kahāñ se lā.ūñ
yūsuf-e-dil kā ḳharīdār kahāñ se lā.ūñ

dil kī dhaḌkan meñ sunā kartā thā paiġhām tirā
ab vo hañgāma-e-bisyār kahāñ se lā.ūñ

us par ā.īna ho kis tarah haqīqat dil kī
shauq-e-minnat-kash-e-iz.hār kahāñ se lā.ūñ

ma.abad-e-dil meñ parastār-e-mohabbat huuñ 'asar'
ravish-e-kāfir-o-dīñ-dār kahāñ se lā.ūñ

ġham-e-bahār o ġham-e-yār hī nahīñ sab kuchh
ġham-e-jahāñ se bhī dil ko lagā ke dekh zarā

kis mast adā se aañkh laḌī matvālā banā lahrā ke girā
aage to haiñ rāheñ aur kaThin dil pahle hī Thokar khā ke girā

dil shauq ke josh meñ dauḌ chalā aur josh to hotā hai andhā
dar band paḌā thā qismat kā Takkar jo lagī teyorā ke girā