Tags-Dil

utregā na koī āsmāñ se
ik aas meñ dil magar sadā de

tujh se mil kar dil meñ rah jaatī hai armānoñ kī baat
yaad rahtī hai kisī sāhil pe tūfānoñ kī baat

aisā lagtā hai ki ab vo qabr tak jā.egī saath
dil ke ḳhānoñ meñ nihāñ thī jo tamannā umr bhar

ġham-e-dil kisī se chhupānā paḌegā
ghaḌī do ghaḌī muskurānā paḌegā

ishq kā duur kare dil se jo dhaḌkā ta.avīz
is dhaḌāke kā koī ham ne na dekhā ta.avīz

sabhoñ siiñ mukh moḌ kar mirā dil prit ke fan meñ huā udāsī
namāz jī siiñ niyāz kī paḌh saf-e-junūñ kā imaam dastā

vo shakkarīñ-lab ne gosh-e-dil señ tamām sun kar yuuñ reḳhta kuuñ
kahā vo mīThe bachan señ mujh kuuñ 'sirāj' shīrīñ kalām dastā

daftar jo guloñ ke vo sanam khol rahā hai
aġhyār to kyā dil bhī idhar bol rahā hai

āsār-e-rihā.ī haiñ ye dil bol rahā hai
sayyād sitamgar mire par khol rahā hai

kis kis kā nahīñ tā.ir-e-dil daam meñ us ke
tuutī ḳhatt-e-āriz kā tire bol rahā hai

kyā kyā nahīñ dukh qaid musībat ke sahe haiñ
barsoñ dil-e-nāshād mirī avval rahā hai

yaad aatī hai kis but kī mire ḳhāna-e-dil meñ
chhātī ke kivāḌ aaj koī khol rahā hai

karne ko hai said aaj kisī tā.ir-e-dil
shāhīñ nigah-e-yār kā par tol rahā hai

bulbul hai fidā kartī nahīñ naqd-e-dil us par
gulzār meñ ġhuncha bhī girah khol rahā hai

dil to diyā mīzāñ nahīñ paTtī nazar aatī
nazroñ meñ vo ḳhush-chashm mujhe taul rahā hai

ruḳh pe kyā rañg hai kaisī hai in āñkhoñ kī fazā
dil jo Thahre to kuchh andāza-e-hālāt kareñ

dil ne kuchh ḳhvāb to dekhe the magar kyā kiije
vo bhī gum ho ga.e tālāb meñ patthar kī tarah

ye sadma jiite jī dil se hamāre jā nahīñ saktā
unheñ vo bhūle baiThe haiñ jo un par marne vaale haiñ

jhāñk kar āñkhoñ meñ siine meñ utar kar dekheñ
naqsha-e-dil se koī rāz-e-dafīna sīkheñ

dil to ā.īna hai shaffāf rakheñ ai 'shāhid'
kyuuñ kareñ buġhz-o-hasad kis liye kiina sīkheñ