Tags-Dil

jitnī bhī dil kī zarūrat thī bas utnī hī himmat-o-tāqat thī
raste kī khakheḌeñ jhel gayā paas aate hī maiñ chakrā ke girā

sulgī huī hai ġham kī bhaTTī dil kyuuñ na pighal ke bane paanī
jo qatra aañsū ho ke bahā lahrā ke chalā teyorā ke girā

ye bāteñ sach haiñ na jhuuT un ko jāniyo yāro!
nasīhateñ haiñ unheñ dil se māniyo yāro!

chāhiye thī sham.a is tārīk ghar ke vāste
ḳhāna-e-dil meñ charāġh-e-ishq raushan ho gayā

dil ka.ī roz se dhaḌaktā hai
hai kisī hādse kī tayyārī

hai had-e-dil se aage raftār us ke ḳhuuñ kī
aur dhaḌkaneñ bhī ḳhud se begāna ho rahī haiñ

be-iḳhtiyār ro ke kahā dil lagā kahīñ
kahne kī baat hai ye kahūñ baat kis tarah

sunte hī dil ho gayā us yaar kā asrār mast
hoshiyārī kyā kare jab dil ho sau sau baar mast

sar-barahna be-sar-o-sāmāñ jo dil-afgār haiñ
bazm-e-mastāñ meñ vahī mash.hūr haiñ sardār mast

mujh se shakeb-e-qalb kā sāmāñ na ho sakā
us par bhī dil kā raaz numāyāñ na ho sakā

ye dil miTā miTā sā ye sho.ala bujhā bujhā
ek āftāb se bhī farozāñ na ho sakā

ā.īna aks-e-jalva se TuuTā nahīñ kabhī
dil yūrish-e-jamāl se hairāñ na ho sakā

bīmār dil judā hai idhar maiñ udhar judā
us kā karūñ ilaaj ki apnī davā karūñ

zindagī ik juā-ḳhāna hai jis kī fōtpath par apnā dil
ik purānā juārī musalsal ka.ī din kā haarā huā

be-kahe dil kā haal raushan hai
ai ḳhamoshī mirī zabāñ tū hai

apne ghar meñ ḳhayāl meñ dil meñ
ek ho kar kahāñ kahāñ tū hai

na jaane kab se yūñhī dil-shikasta baiThī huuñ
udaas chehre ko apnī hatheliyoñ meñ liye

mirā ḳhayāl thā un zar-nigār mahloñ meñ
vo dil-kashī hai ki maiñ tujh ko bhuul jā.ūñgī

dil hai ki tire paañv se pāzeb girī hai
suntā huuñ bahut der se jhankār kahīñ kī

ġham rahe pinhāñ dar o dīvār dil ke darmiyāñ
kyā zarūrī hai ki karb-e-zīst kī tash.hīr ho