Tags-Dil

ye jo khīñche liye jaatā hai bayābāñ kī taraf
dil ko ḳhadsha hai ki ābād na kar luuñ ḳhud ko

kisī kā dard hai aur apnā dil hai
ye shīsha sañg se Takrā gayā hai

utrā jo is dil meñ qāfila ulfat kā
kaisī kaisī ġhazleñ huiiñ ravānī meñ

ḳhūn-e-dil thūkte phirte haiñ jahāñ meñ shā.ir
kyā milā shahr-e-suḳhan meñ unheñ shohrat ke sivā

siine meñ hai us ke soz agar shaitāñ ke qadam le āñkhoñ par
begāna-e-dard-e-dil hai agar jibrīl kī bhī tāzīm na kar

ai 'josh' hujūm-e-kulfat meñ fariyād o fuġhāñ se kaam na le
ghaT jā.egā is se dil kā asar ajzā-e-tapish taqsīm na kar

dil rahegā to ḳhūn-e-dil hogā
ashk hoñge to chashm tar hogī

vo bādal hai magar is dasht-e-jāñ par
abhī dil khol kar barsā nahīñ hai

ye to kaam himmat-e-dil kā hai tirī raah meñ pas-o-pesh kyā
jo Thahar ga.e vo Thahar ga.e jo nikal ga.e vo nikal ga.e

mar ga.e ai vaah un kī nāz-bardārī meñ ham
dil ke hāthoñ se paḌe kaisī giraftārī meñ ham

sab pe raushan hai hamārī sozish-e-dil bazm meñ
sham.a saañ jalte haiñ apnī garm-bāzārī meñ ham

chashm o dil biinā hai apne roz o shab ai mardumāñ
garche sote haiñ ba-zāhir par haiñ bedārī meñ ham

kab talak be-dīd se yā rab rakheñ chashm-e-vafā
lag rahe haiñ aaj kal to dil kī ġham-ḳhvārī meñ ham

junūñ ke saa.e meñ ab ghar banā liyā dil ne
chalo kahīñ to vo āvāra-hāl Thahrā hai

sukūn-e-dil gañvā baiThoge tum fitrat se laḌne meñ
jo chāho āfiyat apne qad-o-qāmat meñ ḳhush rahnā

tark-e-vafā ko muddat guzrī
aaj bhī lekin dil pe asar hai

guzar rahī hai jo dil par vahī haqīqat hai
ġham-e-jahāñ kā fasāna ġham-e-hayāt se pūchh

badan ke karb ko vo bhī samajh na pā.egā
maiñ dil meñ ro.ūñgī āñkhoñ meñ muskurā.ūñgī

kyuuñ aaj dil ke haram meñ namāz-e-ġham na huī
kyuuñ ek chup sī sadā-e-azāñ meñ baiTh ga.ī

hasad jī meñ bharā hai laag hai ik umr se dil meñ
kareñ zāhir agar mauqā hai iz.hār-e-adāvat kā