Tags-Dil

har ek jalva-e-rañgīñ mirī nigāh meñ hai
ġham-e-firāq kī duniyā dil-e-tabāh meñ hai

kisī kī yaad karam uff are ma.āz-allāh
tabāh ho ke bhī zālim dil-e-tabāh meñ hai

vo agar burā na māneñ to jahān-e-rañg-o-bū meñ
maiñ sukūn-e-dil kī ḳhātir koī DhūñDh luuñ sahārā

'faiz' kā dil na toḌiye sāhab
baḳhsh diije mujhe ḳhushī merī

kyā qayāmat hai sitamgār bharī mahfil meñ
dil churā kar tirī duzdīda nazar ne na diyā

rañg-rafta bhī dil ko khīñche hai
ek shab aur yaañ sahar dekho

dil huā hai taraf mohabbat kā
ḳhuun ke qatre kā jigar dekho

nigāh-e-lutf kā mamnūn hai dil
magar ye pursish-e-bār-e-digar kyā

mirī aañkh meñ jo samā gayā mire dil meñ jis kā maqām hai
abhī mujh se hai vo alag-thalag na payām hai na salām hai

koī zikr ġhair kā ye na thā jise aap sun ke hue ḳhafā
mujhe apne baḳht se hai gila mujhe apne dil se kalām hai

jo chalā to bazm-e-surūr meñ jo rahā to ālam-e-nūr meñ
mire dil meñ kaif-e-mudām hai mire sar meñ gardish-e-jām hai

vahī shikva tujh ko raqīb kā vahī ronā apne nasīb kā
ye batā tū o dil-e-mubtalā tujhe aur bhī koī kaam hai

ham bhī kyā zindagī guzār ga.e
dil kī baazī lagā ke haar ga.e

sitam tīr-e-nigāh-e-dilrubā thā
hamāre haq meñ paiġhām-e-qazā thā

huā achchhā ki vo ghar se na nikle
kise mālūm kis ke dil meñ kyā thā

bahut achchhā huā vo le ga.e dil
baḌā ziddī nihāyat bevafā thā

nahīñ mālūm us kam-sin ko ye bhī
hamāre dil meñ kyā hai aur kyā thā

na pūchho jalva-gāh-e-nāz kā jamāl
har ik mahv-e-jamāl-e-dilrubā thā

badan meñ na pahlī sī hiddat
na dhaḌkan hai dil meñ

dil hī ayyār hai be-vaj.h dhaḌak uThtā hai
varna afsurda havāoñ meñ bulāvā kaisā