Tags-Dil

vo kyā nigāh jo na kisī dil meñ ghar kare
vo dil hī kyā na ho jo kisī kī nigāh meñ

mujh ko zamāne-bhar ke ġhamoñ se najāt hai
jab se hai merā dil tire ġham kī panāh meñ

pahle gunāhgār tamāshā huī nigāh
lazzat-sharīk phir huā dil is gunāh meñ

āñkhoñ hī meñ rahe ho dil se nahīñ ga.e ho
hairān huuñ ye shoḳhī aa.ī tumheñ kahāñ se

ḳhāmoshī hī meñ ham ne dekhī hai maslahat ab
har yak se haal dil kā muddat kahā zabāñ se

jannat meñ ḳhaak bāda-parastoñ kā dil lage
naqshe nazar meñ sohbat pīr-e-muġhāñ ke haiñ

hāl-e-dil sab se chhupāne meñ maza aatā hai
aap pūchheñ to batāne meñ maza aatā hai

raushnī bojh sī lagtī hai shab-e-hijrāñ meñ
haañ magar dil ko jalāne meñ maza aatā hai

jis ke kuchh taar ulajh jaate haiñ dil kī sūrat
bas usī saaz pe gaane meñ maza aatā hai

vo nazar ār-pār hotī hai
haa.e kyā dil-figār āñkheñ haiñ

tere sadqe mirī jaañ tujh pe mirā dil qurbāñ
vāris-e-kaun-o-makāñ faḳhr-e-zamānī sanamā

dil ke dāġhoñ ko kaleje se lagā rakkhā hai
ki yahī daaġh to haiñ terī nishānī sanamā

tā-kujā ashk bujhā.eñge mire dil kī lagī
phūñke detā hai mujhe soz-e-nihānī sanamā

vaqf sajda hai tire dar pe jabīn-e-'bedam'
qibla-e-dil sanamdā ka.aba-e-jānī sanamā

dil hī dil meñ nanhā taasī
kartā rahtā daadī daadī

yahī bahut hai mirī uñgliyāñ salāmat haiñ
ye dil ke zaḳhm to arz-e-hunar se aa.e haiñ

hai vo āvāz-e-shikast-e-dil-e-gītī jis ko
jaras-e-qāfila-e-umr-e-ravāñ kahtā huuñ

tā-umr marnā jiinā rahe sājnā ke sañg
dil lobhtā hai aise hī āshīrvād ko

dil o jaañ aur āsā.ish ye ik kaunī tamasḳhur hai
humuq kī abqariyyat hai safāhat kā tafakkur hai

raat petrol kī aag se shahr meñ yuuñ charāġhāñ huā
kaañp kar bujh ga.iiñ dil ke raushan jharokoñ kī sab battiyāñ