Tags-Dil

mātam kī fazā hai shahr-e-dil meñ
mujh meñ koī shaḳhs mar gayā hai

nahīñ suntā hai ye dil ab hamārī
ise ab terī aadat ho ga.ī hai

dil-e-shikasta ko laanā hai rū-ba-rū us ke
jo mujh se narm huā koī band daam us kā

auqāt-e-zabt us ko ai chashm-e-tar batā de
ye dil samundaroñ kī gahrā.ī chāhtā hai

ek dil hai ki ujaḌ jaa.e to bastā hī nahīñ
ek but-ḳhāna hai ujḌe to haram hotā hai

ālūda-e-isyāñ ḳhud ki hai dil vo mān-e-isyāñ kyā hogā
jo apnī hifāzat kar na sakā vo merā nigahbāñ kyā hogā

zauq-e-dil-e-shāhāñ paidā kar tāj-e-sar-e-shāhāñ kyā hogā
jo luT na sake vo sāmāñ kar luT jaa.e jo sāmāñ kyā hogā

ġham-ḳhāna sanam-ḳhāna aivāñ yā ḳhāna-e-vīrāñ kyā hogā
qissa hai dil-e-dīvāna kā hairāñ huuñ ki unvāñ kyā hogā

kuchh shikva nahīñ itnā sun le ai mast-e-sitam nāvak-afgan
dil hī na rahegā jab merā phir terā ye paikāñ kyā hogā

ai hañsne hañsāne vaale jā afsurdagi-e-dil baḌhtī hai
jis ko ho azal se nisbat-e-ġham hañsne se vo ḳhandāñ kyā hogā

anā rahī na mirī mutlaq-ul-inānī kī
mire vajūd pe ik dil ne hukmarānī kī

rāz-e-dil haiñ pūchhte aur bolne dete nahīñ
baat muñh par aa rahī hai lab hilānā hai manā

kisī kā jism huā jān-o-dil kisī ke hue
hazār TukḌe mirī ek zindagī ke hue

dil ajab shahr ki jis par bhī khulā dar is kā
vo musāfir ise har samt se barbād kare

ai shauq-e-dil bhī ek muammā ajiib hai
sahrā ko āñdhiyoñ kī tamannā ajiib hai

maujoñ ke iztirāb ne dhaḌkā diyā thā dil
utre jo ham utar gayā dariyā ajiib hai

dil kā mausam zard ho to kuchh bhalā lagtā nahīñ
koī manzar koī chehra ḳhushnumā lagtā nahīñ

āvārgī kā zauq 'humā' dil ko bhā gayā
ye aur baat jaañ nahīñ jaa.e idhar udhar

jab talak paañv meñ chalne kī hai tāqat baaqī
hāl-e-dil aa ke kabhū tujh ko dikhā jaate haiñ

rahiyo hushiyār tū lap-jhap se butāñ kī 'qā.em'
baat kī baat meñ vaañ dil ko uḌā jaate haiñ