Tags-Dil

aañsū jo baheñ surḳh to ho jaatī haiñ āñkheñ
dil aisā sulagtā hai dhuāñ tak nahīñ aatā

ham to ghar se nikle the jītne ko dil sab kā
teġh haath meñ kyuuñ hai dosh par kamāñ kyuuñ hai

ummīdoñ kā ik haar ban TuuT gayā
dil jaise koī aabla thā phuuT gayā

tum mire dil meñ kyuuñ nahīñ aate
shahr-e-ra.anā.ī-e-jamāl hai ye

DhūñDhtā hai na.ī na.ī uftād
dil-e-īzā-talab kā haal hai ye

ab koī aañkh nam nahīñ hotī
dil kī duniyā meñ ḳhushk saal hai ye

ye kaisī ḳhāmushī mere lahū meñ sarsarā.ī
ye kaisā shor dil ke darmiyāñ phailā huā hai

alfāz dil kī aag se mahrūm ho ga.e
jab shā.irī ko sirf hunar kar diyā gayā

kyūñkar bhalā lage na vo dildār duur se
duunī bahār deve hai gulzār duur se

kabhī tasavvur-e-jānāñ kabhī tasallī-e-dil
tumhārī yaad se ḳhālī kabhī rahā na gayā

kitāb-e-zīst kī ta.abīr marg-e-dil hī to hai
jise sunā to gayā hai abhī paḌhā na gayā

ġham kā har aalam nayā hai in dinoñ
dil kī har duniyā na.ī hai āj-kal

jal rahī hai dil meñ sham-e-ārzū
ġham-kade meñ raushnī hai āj-kal

be-qarārī karvaToñ par karvaTeñ
dil kā aalam dīdanī hai āj-kal

dil meñ aur māyūsiyoñ meñ ai 'shakīl'
ittihād-e-bāhamī hai āj-kal

ai dard na tham sar aur uThā dil chāragarī kī raah na tak
dekh ashk-fishāñ hai ab tujh par sahrāoñ meñ dīvāna tak

bahut ūñchī huī dīvār dil kī
ajab us ghar kā naqsha ho gayā hai

shabeñ gar sach kaho to jaan jaao
ki kyuuñ dil aaj tanhā ho gayā hai

na jazbāt se ye safar tai huā
na dil se kabhī ye zabāñ tak ga.e

Tuk dekh liyā āñkhoñ hī āñkhoñ meñ hañse bhī
par yuuñ to ilāj-e-dil-e-shaidā nahīñ karte