Tags-Diwangi

vahī dīvāngī merī hai bahār aane do
dekh kar laḌkoñ kī sūrat ko bahal jā.ūñgā

junūn-e-mohabbat meñ dīvāngī meñ tirī be-ruḳhī kā bhī maiñ qadr-dāñ huuñ
baḌā tū ne ehsān mujh par kiyā ye tamāshā banā kar tamāshā na dekhā

na.ī mushkil koī darpesh har mushkil se aage hai
safar dīvāngī kā ishq kī manzil se aage hai

tumhārī zulf ke charche pareshāniyoñ meñ rahte haiñ
mirī dīvāngī ke zikr dīvānoñ meñ rahte haiñ

kuchh aur chāhiye dīvāngī ko hadd-e-junūñ
kuchh aur arsa-e-mahshar ki ham guzarte raheñ

jab qadam dīvāngī kī had se aage baḌh ga.e
dekhne vāloñ ko mujh par vo hañsī aa.ī ki bas

ishq meñ kuchh is tarah dīvāngī chhā.ī ki bas
kūcha-e-arbāb-e-dil se ye sadā aa.ī ki bas

rukā jo kaam to dīvāngī hī kaam aa.ī
na kaam aa.e to farzāngī ko kyā kiije

dīvāngī kā ham ko kyā haz ho har taraf gar
laḌke hoñ aur phathre balvā ho aur ham hoñ

hamīñ se kahte ho dīvāngī achchhī nahīñ hotī
kabhī zulfoñ se bhī kah do ki bal khānā nahīñ achchhā

ishq kī rāhoñ meñ haa.el ho rahī hai āgahī
ab junūñ baḌh jā.egā dīvāngī baḌh jā.egī

nasīhat kar rahī hai aql kab se
ki maiñ dīvāngī se duur ho jā.ūñ

aql meñ yuuñ to nahīñ koī kamī
ik zarā dīvāngī darkār hai

merī dīvāngī bhī ḳhatm huī
tere jalve bhī ab nazar meñ nahīñ

panja-e-gul kī tarah dīvāngī meñ haath ko
gar nikālā meñ garebāñ se to dāman meñ rahā

ai zabt-e-dil ye kaisī qayāmat guzar ga.ī
dīvāngī meñ chaak garebān ho gayā

kar ga.ī dīvāngī ham ko barī har jurm se
chāk-dāmānī se apnī pāk-dāmānī huī

nikohish māne-e-dīvāngī-hā-e-junūñ aa.ī
lagāyā ḳhanda-e-nāseh ne baḳhiya jeb-o-dāman meñ

be-ḳhudī dīvāngī meñ is tarah sarshār haiñ
bhūlte haiñ aap ko ho kāfir o dīñ-dār mast

lutf-e-dīvāngī nahīñ aayā
bazm meñ log the shanāsā kuchh