Tags-Diwangi

us kī shartoñ pe mujh ko hai jiinā
kaisī dīvāngī divāne kī

kab kā guzar chukā hai dīvāngī kā aalam
phir bhī 'majāz' apnā dāman rafū kare hai

kar ga.ī dīvāngī ham ko barī har jurm se
chāk-dāmānī se apnī pāk-dāmānī huī

aql vāloñ meñ hai guzar merā
merī dīvāngī sambhāl mujhe

ab bagūle mujh meñ haiñ aur maiñ bagūloñ meñ 'ḳhayāl'
dasht meñ dīvāngī zanjīr karnā chāhiye

jin dinoñ dīvāngī Thahrī huī ho zaat meñ
ek duniyā un dinoñ tasḳhīr karnā chāhiye

unhī pe tohmat-e-dīvāngī lagāte ho
jo ittifāq se mahfil meñ rū-shanās bhī haiñ

kamāl-e-dīvāngī to jab hai rahe na ehsās-e-jaib-o-dāman
agar hai ehsās-e-jaib-o-dāman to phir junūñ hoshiyār sā hai

pahnā jo maiñ ne jāma-e-dīvāngī to ishq
bolā ki ye badan pe tire saj gayā libās

mirī bātoñ pe duniyā kī hañsī kam hotī jaatī hai
mirī dīvāngī shāyad musallam hotī jaatī hai

jaane vaale jā ḳhudā hāfiz magar ye soch le
kuchh se kuchh ho jā.egī dīvāngī tere baġhair

tasallut hai abhī josh-e-junūñ par hosh-mandī kā
abhī dīvāngī dīvāngī mahsūs hotī hai

is mirī dīvāngī par ai junūñ patthar paḌeñ
aañkh ke Dhele lagātā huuñ agar aatī hai niiñd

merii vahshat se kabhii sairaab thaa dasht-e-junuu.n
ab mirii diivaangii kaa sar qalam hone ko hai

mirī dīvāngī kā imtihāñ ik baat hai varna
haqīqat meñ tire dār-o-rasan kī āzmā.ish hai

aql baḌh kar ban ga.ī thī dard-e-sar jaate kahāñ
aa ga.e dīvāngī kī had meñ farzāne ka.ī

kis qadar hoshiyār haiñ ham bhī
apnī dīvāngī se Darte haiñ

uryāñ tanī kī shoḳhī se dīvāngī meñ 'mīr'
majnūñ ke dasht-e-ḳhār kā dāmāñ bhī chal gayā

allāh baat kyā hai ki dīvāngī mirī
dīvāngī nahīñ nazar-e-hoshiyār meñ

tuur par chheḌā thā jis ne aap ko
vo mirī dīvāngī thī maiñ na thā